كەشە ورتالىق كوممۋنيكاتسيالار قىزمەتىندە كوكتەمگى سۋ تاسقىنىنا قاتىستى ءباسپاسوز ءماسليحاتى ءوتتى. وندا ىشكى ىستەر مينيسترلىگى توتەنشە جاعدايلار كوميتەتىنىڭ توراعاسى ۆلاديمير بەككەر بيىلعى ورىن العان سۋ تاسقىندارىنا نەگىزىنەن قاتقان جەر مەن كۇرت ىسىعان كۇن كىنالى ەكەنىن ايتتى.
كوميتەت توراعاسىنىڭ كەلتىرگەن مالىمەتتەرىنە قاراساق, كوكتەمگى سۋ تاسقىنىنا دايىندىق جۇمىستارى وتە جاقسى جۇرگىزىلگەن. ايتكەنمەن, سۋ تاسقىنى كۇتىلمەگەن قالالار مەن ەلدى مەكەندەر جاعدايدى كۇردەلەندىرىپ جىبەرگەن. بۇگىنگى كۇنگە دەيىن سۋ تاسقىنىنا ۇرىنىپ, مەملەكەتتىڭ كومەگىنە ءزارۋ بولىپ وتىرعان ادامداردىڭ سانى انىق بولماعانىمەن, قاي جەردە قانداي قۇتقارۋ جۇمىستارى جۇرگىزىلىپ جاتقانى جونىندە تولىق اقپارات بار. مىسالى, وسى كەزگە دەيىن سۋ باسقان 535 ءۇيدىڭ 421-ىنەن سۋدى باسقا باعىتقا بۇرىپ اكەتۋ جۇمىستارى جۇرگىزىلگەن. اپاتتى ايماقتاردان 969 ادام ەۆاكۋاتسيالانىپ, 17 جان قيىن جاعدايدان قۇتقارىلىپتى.
ءدال قازىرگى ۋاقىتتا 504 ادام ءوز ۇيىنە قايتا ورالىپ, 437 ادام تۋىستارىن پانالاپ وتىر ەكەن. ال ەۆاكۋاتسيالاۋ پۋنكتتەرىندە 30-عا جۋىق ادام بار كورىنەدى. ايتسە دە, بىرقاتار مال شىعىنى بولعان. سۋ تاسقىنى باستالعان كەزدەن وسى كۇنگە دەيىن 2 488 ءىرى قارا مال قىرعا ايدالىپ, امان قالعانىمەن, 65 باس قارا مال ولىمگە ۇشىراپتى. كوميتەت توراعاسى جەرگىلىكتى جەرلەردەگى بولىمشە قىزمەتكەرلەرى مەن ءوڭىر باسشىلارى تياناقتى جۇمىس ىستەگەندىكتەن وسىنداي از شىعىن بولعانىن ايتتى. «مينيسترلىك ورتالىق جانە جەرگiلiكتi ورگاندارمەن بiرلەسiپ, سۋ تاسقىنىنىڭ الدىن الۋ ماقساتىندا 90 شاقىرىمنان استام قورعانىس بوگەتiن سالدى. وعان قوسا, 455 بوگەتتi جوندەۋدەن وتكiزدi. 180 شاقىرىم ۇزىندىقتاعى سۋ قويمالارىنىڭ جاعاجايى مەن ءتۇبi بەكiتiلدi. 87 شاقىرىم سۋ تاسۋ قاۋپi بار وزەندەردiڭ باعىتتارى كەڭەيتiلiپ, وزگەرتiلدi. ەكى مىڭ شاقىرىمنان استام سۋ ارناسى تازارتىلدى», دەگەن ۆ.بەككەر, اعىمداعى جىلى سۋ تاسقىنىنىڭ الدىن الۋ جانە ودان كەلگەن زارداپتى جويۋ ءۇشiن 27,5 توننا كولەمiندە جانار-جاعارماي قورى, 400 مىڭ توننادان استام ينەرتتi ماتەريال, 1,3 ملن. قاپ پەن 150 توننا جارىلعىش زات ازiرلەنگەنىن ايتتى.
جۋرناليستەردىڭ ەلورداعا قاتىستى قويعان سۇراعىنا, «استانانى سۋ باسۋ قاۋپi جوق. ۆياچەسلاۆ سۋ قويماسى ارتىق سۋدان ۋاقىتىلى بوساتىلدى. بۇل سۋ تاسقىنىنىڭ «شارىقتاۋ شەگiندە» بارلىق سۋدى قابىلداۋعا مۇمكiندiك بەردi» دەگەن كوميتەت توراعاسى, سۋ قويماسىنان 6 ساۋiردەن باستاپ ارتىق سۋ بوساتىلا باستاعانىن ايتتى. بۇگiنگi تاڭدا سەكۋندىنا 110 مەترگە جۋىق سۋ توگiلىپ جاتىر ەكەن.
قازىرگى كۇندە جاعدايى قيىنداپ تۇرعان سولتۇستىك قازاقستان وبلىسىندا اۋداندىق اكىمدىكتەر سۋ تاسۋ قاۋپىنە كەشەندى تۇردە باعا بەرە الماعان كورىنەدى. «الدىن الا دايىندىق شارالارىنا قاراماستان, سولتۇستىك قازاقستان وبلىسىنداعى سۋ تاسقىنىنىڭ العاشقى ناتيجەلەرى ءبىر ماسەلەنى اڭعارتتى. اۋداندىق اكىمدىكتەر اۋا رايىن ەسكەرىپ, قاۋىپتىڭ سالدارىنا كەشەندى تۇردە باعا بەرە الماعان سىڭايلى. وسىلايشا, سولتۇستىك قازاقستان وبلىسىنىڭ تايىنشا اۋدانىندا سۋ باسقان 8 ەلدى مەكەننىڭ 6-ىن جەرگىلىكتى بيلىك سۋ باسپايدى دەپ ويلاعان», دەدى ۆ.بەككەر.
ءباسپاسوز ءماسليحاتىندا بولعان اڭگىمەنىڭ توقەتەرىن ايتار بولساق, كوميتەت توراعاسى بيىلعى سۋ تاسقىنىنا بىرنەشە فاكتورلار اسەر ەتكەنىن كولدەنەڭ تارتادى. سولاردىڭ ەڭ باستىسى, كۇزدە سۋ تەرەڭگە ءسىڭىپ, قىستا توڭ بولىپ قاتىپ قالعان. وعان قوسا, سولتۇستىك قازاقستان وبلىسىندا قار قالىڭ تۇسكەن. كۇن كۇرت جىلىنعاندا, ەرىگەن قاردىڭ سۋى جەرگە بىردەن سىڭبەي, جان-جاققا جايىلىپ كەتكەن. سوعان قاراعاندا, سۋ تاسقىنىنا كىنالى توسىننان ىسىعان كۇن مەن جىبىمەي جاتىپ العان توڭ بولىپ شىعادى.
نۇرباي ەلمۇراتوۆ,
«ەگەمەن قازاقستان.