استانا. 11 ءساۋىر. قازاقستان پرەزيدەنتى نۇرسۇلتان نازارباەۆ يران يسلام رەسپۋبليكاسىنىڭ پرەزيدەنتى حاسان رۋحانيمەن كەزدەستى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلادى. ەكى ەل كوشباسشىلارى حاسان ءرۋحانيدىڭ استاناعا 2014 جىلعى قىركۇيەكتەگى مەملەكەتتىك ساپارى كەزىندە قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسىن تالقىلادى. سونداي-اق, مەملەكەت باسشىلارى ساۋدا-ەكونوميكا, ينۆەستيتسيا, اۋىل شارۋاشىلىعى جانە كولىك-ترانزيت سالاسىنداعى ءوزارا ءىس-قيمىلدى نىعايتۋ ماسەلەلەرىن دە قوزعادى. سونىمەن قاتار, نۇرسۇلتان نازارباەۆ پەن حاسان رۋحاني وڭىرلىك جانە حالىقارالىق قاۋىپسىزدىككە قاتىستى وزەكتى جايتتار جونىندە پىكىر الماستى. قازاقستان پرەزيدەنتى ەلىمىز يرانمەن ءاردايىم دوستىق قارىم-قاتىناستا بولعانىنا نازار اۋداردى. حاسان رۋحاني نۇرسۇلتان نازارباەۆتىڭ تەگەرانعا بۇگىنگى ساپارى قازاقستان-يران ىنتىماقتاستىعىنا تىڭ سەرپىن بەرەتىنىنە سەنىم ءبىلدىردى. تالعات رايىمبەك. دەرەك: akorda.kz. فوتو: azattyq.mobi.