پاۆلودار. 11 ساۋىر. پاۆلودار وبلىسىنداعى «ورتالىق-شىعىس» اۆتوبانىنا كىرەتىن «ەرتىس وزەنى ارقىلى وتەتىن كوپىر» جانە «پاۆلودار قالاسىن باتىس اينالىپ ءوتۋ جولى» جوباسى بويىنشا جاڭا كوپىردىڭ قۇرىلىس جۇمىستارى جۇرگىزىلۋدە. بۇل تۋرالى egemen.kz ءتىلشىسى حابارلادى.
كوپىردىڭ ۇزىندىعى 12,3 شاقىرىم. «قازاۆتوجول» اكتسيونەرلىك قوعامى «نۇرلى جول» باعدارلاماسى شەڭبەرىندە جۇزەگە اسىرىلىپ جاتقان كوپىر بيىل جەلتوقسانا پايدالانۋعا بەرىلمەك.
ەرتىس وزەنىنىڭ ەكى جاعالاۋىنان قاراما-قارسى باعىتتا ءبىر ۋاقىتتا باستالعان قۇرىلىس ءتۇيىسىپ, سۋ ۇستىندەگى كوپىردىڭ ورتاسى جالعاندى. قۇرىلىسشىلار دا ءبىر-بىرلەرىمەن قۇشاقتاسىپ, كوپىر سالۋعا قاتىسقاندارىن وسىلاي ەستەرىندە قالدىردى. جوبا قۇنى – 53 ملرد. 808 ميلليون تەڭگە. قۇرىلىستا №25 (الماتى قالاسى), №11 جانە №12 (ەكەۋى دە تۇمەن قالاسىنان, رەسەي) بريگادالارى تارتىلدى. 85 تەحنيكا جۇمىلدىرىلۋدا, 200- قۇرىلىسشى جۇمىس جاسايدى. ەلىمىزدىڭ تۇكپىر-تۇكپىرىنەن كەلگەن ماماندار ەڭبەك ەتۋدە. كوپىردىڭ ماڭىزدىلىعى «استانا-پاۆلودار» جانە «پاۆلودار-وسكەمەن» جول اۆتوباندارىن قوسادى. وكىنىشكە وراي, كوپىردىڭ سالىنۋى بارىسىندا تۇرعىندار قالانىڭ كەيبىر جەرلەرىن كوكتەم مەزگىلىندە سۋ باسىپ قالماۋ ءۇشىن سۋ وتكىزۋ قۇرىلعىلارىن سالۋدى دا تالاپ ەتتى. جوبادا بۇل قاراستىرىلماعان كورىنەدى. قۇبىرلار ورناتىلسا, توتەنشە جاعداي ورىن المايدى. بىلتىر ساۋىردە سونداي جاعداي ورىن الدى. وبلىس, قالا اكىمدىگى, «قاز اۆتوجول» اكتسيونەرلىك قوعامى – كوپىر پايدالانۋعا بەرىلمەي تۇرىپ, ولقىلىقتى كەشىكتەرمەي قولعا السا.
فاريدا بىقاي.
دەرەك: egemen.kz.
فوتو: ۆالەري بۋگاەۆ.