استانا. 9 ءساۋىر. مەكسيكادا 2015 جىلدىڭ قازان ايىنان بەرى تۇماۋ اۋرۋىنان 463 ادام قايتىس بولدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
مەكسيكانىڭ دەنساۋلىق ساقتاۋ مينيسترلىگىنىڭ مالىمدەۋىنشە, وسى ۋاقىت ارالىعىندا 8,84 مىڭ ادام اتالعان دەرتكە شالدىققان.
ۆەدومستۆودا كورسەتىلگەندەي AH1N1 ۆيرۋسىنان 354 ادام كوز جۇمعان. جالپى, قايتىس بولعانداردىڭ 41,9 پايىزى مەحيكو, ۆەراكرۋس, حاليسكو, پۋەبلا جانە سينالوا شتاتتارىنىڭ تۇرعىندارى. سونداي-اق, ولاردىڭ باسىم كوپشىلىگى 60 جاستان اسقان ادامدار.
ايان ءابدۋالي.
دەرەك, فوتو: تاسس.