كەشە ءماجىلىس سپيكەرى باقتىقوجا ىزمۇحامبەتوۆتىڭ توراعالىعىمەن ءماجىلىس بيۋروسى ءوتىپ, الداعى جالپى وتىرىستىڭ كۇن ءتارتىبى ناقتىلاندى, دەپ حابارلادى وسى پالاتانىڭ ءباسپاسوز قىزمەتى.
وندا دەپۋتاتتار تالقىسىنا «قازاقستان رەسپۋبليكاسىنىڭ ۇكىمەتى مەن حالىقارالىق قايتا قۇرۋ جانە دامۋ بانكى اراسىنداعى قازاقستان رەسپۋبليكاسىندا وفيستەر قۇرۋ جانە ولاردىڭ جۇمىس ىستەۋى تۋرالى كەلىسىمدى راتيفيكاتسيالاۋ تۋرالى» زاڭ جوباسى ۇسىنىلماق.
بۇل كەلىسىمگە 2016 جىلدىڭ 21 قاڭتارىندا شۆەيتساريانىڭ داۆوس قالاسىندا دۇنيەجۇزىلىك ەكونوميكالىق فورۋم اياسىندا قول قويىلعان. جاڭا كەلىسىم دۇنيەجۇزىلىك بانكتىڭ قازاقستانداعى بارلىق وفيستەرى مەن قىزمەتكەرلەرىنىڭ ماقساتتارىن, مارتەبەسىن, ارتىقشىلىقتارى مەن يممۋنيتەتتەرىن ايقىندايدى.
سونىمەن قاتار, جالپى وتىرىستا قازاقستان حالقى اسسامبلەياسىنىڭ دەپۋتاتتىق توبىن تىركەۋ ماسەلەسى قارالماق.