بالاسىنا «گيتلەر» دەپ ات قويعان

اقش-تاعى ەرلى-زايىپتىلار اتا-انالىق قۇقىقتارىنان ايىرىلدى امەريكانىڭ نيۋ-دجەرسي شتاتىندا تۇراتىن يسيدور كەمپبەلل مەن ونىڭ زايىبى دجويس لين بالالارىنا «ادولف گيتلەر» جانە «اري ءناسىلى» دەپ قويعاندارى ءۇشىن اتا-انالىق قۇقىقتارىنان ايىرىلىپ قالدى. وسىنداي ناتسيستىك يدەياعا كوزسىز ۇرىنىپ وتىرعان ەرلى-زايىپتىلاردى قۋدالاۋ 2008 جىلى باستالعان. سول جولى ولار جەرگىلىكتى كونديتەرلەرگە «تۋعان كۇنىڭمەن, گيتلەر!» دەگەن جازۋى بار تورتقا تاپسىرىس بەرگەن ەكەن. ال, مەكەمە قىزمەتكەرلەرى بىردەن بالالاردى قورعاۋ قىزمەتىنە شاعىم بىلدىرگەن. وسىدان كەيىن الەۋمەتتىك سالا قىزمەتكەرلەرى ولاردىڭ ۇيلەرىنە كەلىپ, جاعدايدى جان-جاقتى تەكسەرگەن. ولار وتباسىنان وتە ورەسكەل كورىنىپ تۇرعان ەشتەڭە بايقاي قويماعان. سوعان قاراماستان, كىشكەنتاي گيتلەر مەن اري ءناسىلىن اكە-شەشەلەرىنىڭ قولدارىنان الىپ, وزدەرىمەن بىرگە الا كەتكەن. كەيىنىرەك ءناتسيزمدى ۋاعىزداۋشى يسيدور مەن دجويس اتا-انالىق قۇ­قىقتارىنان ايىرىلعان. بالالاردىڭ اكەسى, ءوزىنىڭ «ناسىلدىك بولىنۋشىلىكتىڭ بار ەكەنىنە» قاتتى سەنەتىنىن, بىراق ءوز پەرزەنتتەرىن قورلاۋ ۇعىمىندا بول­ماعانىن ايتىپ شاعىنعان. سوعان قاراماستان, سوت العان بەتىنەن قايتپاعان. بۇل وقيعا الەم نازارىنا ەندى عانا ۇسىنىلىپ وتىر. ونىڭ ءوزى ءساۋىردىڭ 5-ىندە الەۋمەتتىك جەلىدە وسى وقيعا تۋرالى تۇسىرىلگەن «Meet The Hitlers» اتتى دەرەكتى فيلم ور­نالاستىرىلعاننان كەيىن عانا بەلگىلى بولعان. رۋسلان يگىلىك.