نەمەسە باتىل باستاما قولداۋسىز قالمايدى
كەشە پرەزيدەنت جانىنداعى ورتالىق كوممۋنيكاتسيالار قىزمەتىندە ۆاشينگتوندا ۇيىمداستىرىلعان يادرولىق قاۋىپسىزدىك جونىندەگى IV ءسامميتتىڭ قورىتىندىسىنا ارنالعان بريفينگ ءوتتى. وندا قازاقستاننىڭ يادرولىق قارۋسىزدانۋ باعىتىنداعى ۇلەسى كەڭىنەن ءسوز بولدى.
جيىن بارىسىندا سىرتقى ىستەر ءمينيسترىنىڭ ورىنباسارى ەرجان اشىقباەۆ مەملەكەت باسشىسى نۇرسۇلتان نازارباەۆتىڭ بەيبىتشىلىك پەن تۇراقتىلىقتى كوزدەيتىن ماڭىزدى باستامالارى ءوزىنىڭ ماڭىزدىلىعىن دالەلدەپ, جاھان جۇرتشىلىعىن يادرولىق قارۋسىز الەم قۇرۋعا جۇمىلدىرىپ وتىرعانىنا توقتالدى.
«بارشاڭىزعا بەلگىلى, جاقىندا اقش-تىڭ ۆاشينگتون قالاسىندا يادرولىق قاۋiپسiزدiك جونiندەگi IV سامميت وتكەن بولاتىن. اقش پرەزيدەنتi باراك وبامانىڭ جەكە شاقىرۋىمەن بۇل القالى جيىنعا قاتىسقان ەلباسى نۇرسۇلتان نازارباەۆ سامميت بارىسىندا بiرقاتار ماڭىزدى بايانداما جاسادى.
جالپى العاندا, اقش پرەزيدەنتi وبامانىڭ يادرولىق تەرروريزم اكتiلەرiن بولدىرماۋ تۋرالى باستاماسى ادامزاتتىڭ XXI عاسىرداعى باستى ماقساتى رەتiندە قازاقستاننىڭ يادرولىق قارۋدان ازات الەم قۇرۋ جانە بىرىككەن ۇلتتار ۇيىمى قامقورلىعىمەن انتيتەررورلىق كواليتسيا قۇرۋ تۋرالى ۇستانىمدارىنا ساي كەلەدi. بۇل باستامالاردى مەملەكەت باسشىسى وتكەن جىلدىڭ قىركۇيەگىندە بۇۇ-نىڭ 70-سەسسياسىندا مالiمدەگەن بولاتىن», – دەدi ە.اشىقباەۆ.
بۇدان بولەك, ە.اشىقباەۆ يادرولىق قاۋiپسiزدiك جونىندەگى IV سامميتتە بريۋسسەلدەگi لاڭكەستiك اكتiلەر تۋرالى مالiمەتتەر جاريا بولعانىن, تەرگەۋ ناتيجەسiندە قولعا تۇسكەن مالiمەتتەرگە سايكەس, جاھاندىق بوتەن پيعىلدى زاڭسىز ۇيىمدار بەلگيادا ورنالاسقان يادرولىق نىساندارعا شابۋىل جاساۋعا ارەكەتتەنگەنىن ايتا كەلىپ, اتالعان سامميتتە تالقىلانعان يادرولىق لاڭكەستىكتى بولدىرماۋ ماسەلەسiنiڭ وزەكتiلiگi وسىنداي وقيعالاردان دا تۋىنداپ وتىرعانىن ءسوز ەتتى.
سونىمەن قاتار, سىرتقى ىستەر ءمينيسترىنىڭ ورىنباسارى وسى ۋاقىتقا دەيىن 50-دەن استام مەملەكەت باسشىلارىنىڭ ارالاسۋىمەن 3 مىڭعا جۋىق توننا جوعارى بايىتىلعان ۋران مەن پلۋتوني قاۋىپسىز جەرگە كوشىرىلگەنىن, الەمنىڭ 13 ەلى جوعارى بايىتىلعان ۋراننان قۇتىلعانىن, 30 قويمادا قورعانىس شارالارى كۇشەيتىلگەنىن, 328 حالىقارالىق وتكىزۋ بەكەتى رادياتسيالىق باقىلاۋ قۇرىلعىلارىمەن جابدىقتالعانىن اتاپ ءوتتى. ونىڭ ايتۋىنشا, يادرولىق قارۋسىزدانۋ باعىتىنداعى ناتيجەلى جۇمىستارعا قازاقستاننىڭ سىڭىرگەن ەڭبەگى كوپ.
بۇعان قوسا, ە.اشىقباەۆ يراننىڭ يادرولىق باعدارلاماسىنا قوسقان ۇلەسىمىزدى دە اتاپ ءوتتى. ونىڭ ايتۋىنشا, وتكەن جىلى قازاقستان يراننان شىعارىلعان قاۋىپتى ۋراننىڭ ورنىنا 60 توننا تابيعي ۋراندى جەتكىزىپ بەرگەن. ول دا يادرولىق قاۋىپسىزدىك شارالارىنا قوسقان ءبىر ۇلەسىمىز دەپ ەسەپتەلۋدە ەكەن.
وسى ورايدا, ە.اشىقباەۆ ۋرانعا باي ەلىمىز وسى كەندى تەك بەيبىت ماقساتتا تۇتىنىپ, يادرولىق ەنەرگەتيكانى دامىتۋدى ءجون سانايتىنىنا, سونىمەن بىرگە, قازاقستان جاعى يادرولىق ءونىمدى اسكەري ماقساتتا قولدانۋعا تۇبەگەيلى تىيىم سالاتىن حالىقارالىق كەلىسىم كەرەك ەكەندىگىن العا تارتىپ وتىرعانىنا نازار اۋداردى.
ءباسپاسوز ءماسليحاتىندا سپيكەر ءتىلشى ساۋالىنا وراي سۋرەتشى كارىپبەك كۇيiكوۆتىڭ «جارىلىس» كارتيناسى قازاقستاننىڭ الەمگە جاساعان ۇندەۋi ەكەنىن جەتكىزدى. «سەمەي يادرولىق سىناعىنان زارداپ شەككەن سۋرەتشi كارiپبەك كۇيiكوۆ ءوز ءومiرiن يادرولىق قاۋiپسiزدiككە ارناعان جان. ول الەمگە يادرولىق سىناقتاردىڭ زاردابىن كوبiرەك ۇعىندىرۋ ءۇشiن قولىنان كەلگەننىڭ ءبارىن جاساپ كەلەدi. سوندىقتان بiز قازاقستان پرەزيدەنتi نۇرسۇلتان نازارباەۆ اقش پرەزيدەنتi باراك وباماعا كارiپبەك كۇيiكوۆتىڭ «جارىلىس» اتتى سۋرەتiن سىيلاۋ ارقىلى سيمۆولدىق ءمانى بار يشارات جاسادى دەپ ويلايمىز. باراك وباما نوبەل سىيلىعىنىڭ لاۋرەاتى رەتىندە يادرولىق قاۋiپسiز الەم قالىپتاستىرۋدى قولدايدى. سوندىقتان قازاقستان حالقىنىڭ وسى سىيلىق ارقىلى الەمدى, ونىڭ iشiندە اقش-تى iس جۇزiندە يادرولىق قارۋدان باس تارتۋعا شاقىرۋعا مورالدىق قۇقىعى بار. بۇل – قازاقستاننىڭ بۇكiل الەمگە جاساعان سىيلىعى ءارى ۇندەۋi», – دەدى ە.اشىقباەۆ.
بريفينگتە ەنەرگەتيكا مينيسترلىگىنىڭ كوميتەت توراعاسىنىڭ ورىنباسارى تيمۋر جانتيكين, قازاقستان رەسپۋبليكاسىنىڭ تۇڭعىش پرەزيدەنتى كىتاپحاناسىنىڭ ستراتەگيالىق زەرتتەۋلەر جانە بولجامدار قىزمەتىنىڭ مەڭگەرۋشىسى ميحايل ميرونەنكو IV ءسامميتتىڭ ماڭىزدىلىعىن, يادرولىق قارۋسىز الەم قۇرۋ جولىنداعى قازاقستاننىڭ تاباندى كۇرەسىن, ناتيجەلى جۇمىستارىن اتاپ ءوتتى. ولاردىڭ سوزدەرىنە قاراعاندا, ەلباسى نۇرسۇلتان نازارباەۆتىڭ يادرولىق قارۋسىز الەم قۇرۋ جولىنداعى ساۋاتتى باستامالارىنا الەم جۇرتشىلىعى جوعارى باعا بەرىپ وتىر.
جولدىباي بازار,
«ەگەمەن قازاقستان».