جوعارى مارتەبە

ەلباسىنىڭ «الەم. XXI عاسىر» مانيفەسى بۇۇ باس اسسامبلەياسى مەن قاۋىپسىزدىك كەڭەسىنىڭ رەسمي قۇجاتى مارتەبەسىن الدى

استانا. قازاقپارات – 2016 جىلعى 31 ناۋرىز - 1 ءساۋىر ارالىعىندا ۆا­شينگتون قالاسىندا وتكەن IV يادرولىق قاۋىپسىزدىك ءسامميتى جۇمىسىنا قا­زاقستان رەسپۋبليكاسى پرەزيدەنتى نۇرسۇلتان نازارباەۆتىڭ قاتىسۋىنا بايلانىستى بۇۇ جانىنداعى قازاقستان رەسپۋبليكاسىنىڭ تۇراقتى وكىلدىگى بىرىككەن ۇلتتار ۇيىمىنىڭ باسشىلىعىن, تۇتاستاي نيۋ-يوركتەگى ديپلوماتيالىق قاۋىمداستىقتى وسى كەزدەسۋدە جوعارى دەڭگەيدە ۇسىنىلعان قازاقستان پرەزيدەنتىنىڭ اۆتورلىعىمەن شىققان «الەم. XXI عاسىر» مانيفەست اتاۋىمەن مۇلدەم جاڭا قۇجات-پاراديگمانى تانىستىردى. بۇۇ باس حاتشىسى پان گي مۋنعا, سونداي-اق الەمدىك ۇيىم جانىنداعى بارلىق مۇشە مەملەكەتتەردىڭ تۇراقتى وكىلدەرىنە ءتيىستى حات جىبەرىلدى. قازاقستان رەسپۋبليكاسى تۇراقتى وكىل­دىگىنىڭ باس حاتشىسىنا ۇندەۋى ناتيجەسىندە مانيفەست بۇۇ باس اسسامبلەياسىنىڭ جانە قاۋىپسىزدىك كەڭەسىنىڭ رەسمي قۇجاتى مارتەبەسىن الدى. مانيفەست بارلىق مۇشە مەملەكەتتەرگە قولجەتىمدى بىرىككەن ۇلتتار ۇيىمى حاتشىلىعىنىڭ ەلەكتروندى جۇيەسىنە ورنالاستىرىلدى. وعان بۇۇ باس اسسامبلەياسى 70-ءشى سەسسياسىنىڭ رەسمي قۇجاتى رەتىندە ا/70/818 تىركەۋ ءنومىرى جانە بۇۇ قاۋىپسىزدىك كەڭەسىنىڭ رەسمي قۇجاتى رەتىندە S/2016/317 تىركەۋ ءنومىرى بەرىلدى. ءبىر ۋاقىتتا, قازاقستان رەسپۋبليكاسى تۇراقتى وكىلدىگى مانيفەسپەن نيۋ-يوركتە 2016 جىلعى 4 ساۋىردە جۇمىسىن باستاعان بۇۇ قارۋسىزدانۋ جونىندەگى كوميسسياسىنىڭ 2016 جىلعى ءسۋبستانتيۆتى سەسسياسىنىڭ دەلەگاتتارىن دا تانىستىردى. مانيفەست سونداي-اق, رەسمي قۇجات رەتىن­دە بۇۇ باس اسسامبلەياسىنىڭ ءبىرىنشى كومي­تەتىنىڭ جانە بۇۇ قارۋسىزدانۋ ءجونىن­دەگى كوميسسياسىنىڭ Quick First جۇيە­سىنە رەسمي قۇجات رەتىندە ورنالاستى­رىلدى. بۇۇ باس اسسامبلەياسىندا جانە قاۋىپ­سىزدىك كەڭەسىندە مانيفەسكە وسىن­داي ەرەكشە مارتەبە بەرۋ مەملە­كەت باسشىسىنىڭ حالىقارالىق قاۋىم­داستىقتاعى مارتەبەسىنىڭ جوعارى ەكەندىگىن كورسەتەدى جانە سوعىس پەن بەيبىتشىلىكتىڭ وزەكتى ماسەلەلەرىن قامتيتىن ونى ساقتاۋ قۇندىلىعىن كورسەتەتىن قۇجاتتىڭ كۇللى ادامزات, قازىرگى الەم ءۇشىن اسا ماڭىزدى ەكەنىن تانۋىن بىلدىرەدى.