كەشە پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن پالاتا بيۋروسىنىڭ كەزەكتى وتىرىسى ءوتتى. وندا ءماجىلىستىڭ جالپى وتىرىسىنا شىعارىلاتىن ماسەلەلەر سارالاندى.
بيۋرو وتىرىسىندا دەپۋتاتتىق كورپۋستىڭ جاڭا جىلداعى زاڭ شىعارۋشىلىق قىزمەتىنە قاتىستى ماسەلەلەر قارالدى.
سارسەنبى كۇنى وتەتىن ءماجىلىستىڭ جالپى وتىرىسىندا دەپۋتاتتاردىڭ تالقىسىنا «1997 جىلعى يادرولىق زالال ءۇشىن ازاماتتىق جاۋاپكەرشىلىك تۋرالى ۆەنا كونۆەنتسياسىن راتيفيكاتسيالاۋ تۋرالى (1997 جىلعى 12 قىركۇيەكتەگى حاتتامامەن ەنگىزىلگەن تۇزەتۋلەر مەن 1963 جىلعى 21 مامىرداعى يادرولىق زالال ءۇشىن ازاماتتىق جاۋاپكەرشىلىك تۋرالى ۆەنا كونۆەنتسياسىنىڭ جيىنتىق ءماتىنى)» زاڭ جوباسى ۇسىنىلاتىن بولدى. بۇل جونىندە پالاتانىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ مالىمەتى تىڭدالدى.
«ەگەمەن-اقپارات».