2010 جىلعى 27 جەلتوقسان №1415 استانا, ۇكىمەت ءۇيى
2011 جىلعى 1 قاڭتاردان باستاپ زەينەتاقى تولەۋ جونىندەگى مەملەكەتتىك ورتالىقتان تولەنەتىن زەينەتاقى تولەمدەرىنىڭ مولشەرىن ارتتىرۋ تۋرالى
«قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» قازاقستان رەسپۋبليكاسىنىڭ 1997 جىلعى 20 ماۋسىمداعى زاڭىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. 2011 جىلعى 1 قاڭتاردان باستاپ زەينەتاقى تولەۋ ءجونىندەگى مەملەكەتتىك ورتالىقتان تولەنەتىن زەينەتاقى ءتولەمدەرىنىڭ مولشەرىن 2011 جىلعى 1 قاڭتارعا دەيىن تاعايىندالعان زەينەتاقى تولەمدەرىن الۋشىلاردىڭ بارلىعىنا, ونىڭ ىشىندە ەڭبەك سىڭىرگەن جىلدارى ءۇشىن زەينەتاقى تولەمدەرىن الۋشى اسكەري قىزمەتشىلەرگە, ىشكى ىستەر ورگاندارىنىڭ جانە قازاقستان رەسپۋبليكاسى ادىلەت مينيسترلىگى قىلمىستىق اتقارۋ جۇيەسى كوميتەتىنىڭ, قارجى پوليتسياسى مەن مەملەكەتتىك ورتكە قارسى قىزمەت ورگاندارىنىڭ ارنايى اتاقتار بەرىلگەن جانە ىشكى ىستەر ورگاندارىنىڭ قىزمەتكەرلەرى ءۇشىن قازاقستان رەسپۋبليكاسىنىڭ زاڭناماسىندا بەلگىلەنگەن ءتارتىپ قولدانىلاتىن قىزمەتكەرلەرىنە الاتىن زەينەتاقى تولەمدەرىنىڭ مولشەرىن وتىز پايىزعا ارتتىرۋ جۇرگىزىلسىن. 2. وسى قاۋلى 2011 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.