قوسارلانعان تۇڭعىش بولمايدى. ول – جالقى

استاناداعى ل.ن.گۋميلەۆ اتىن­داعى ەۋرازيا ۇلتتىق ۋنيۆەرسيتەتىندە قازاقستاننىڭ, رە­سەيدىڭ, جاپونيانىڭ, گەرما­نيا­نىڭ, فرانتسيا مەن قىتايدىڭ جەتەكشى عالىمدارى مەن ما­مان­دارى قاتىسقان «عارىش ادام­زاتتىڭ يگىلىگى ءۇشىن – بو­لاشاققا كوزقاراس» دەگەن تا­قى­رىپتا حالىقارالىق كونفەرەنتسيا بولىپ ءوتتى. بۇل يۋري گا­گاريننىڭ عارىشقا ۇشقانىنىڭ 50 جىلدىعى شەڭبەرىندە ۇيىم­داستىرىلاتىن شارالاردىڭ ال­عاش­قىلارى قاتارىندا كورىنىس تاپتى. جانە ونىڭ ەلىمىز ۇلت­تىق عارىش اگەنتتىگىنىڭ توراعا­سى تالعات مۇساباەۆتىڭ 60 جىل­دى­عىنا ورايلاستىرىلعانى دا كو­ڭىل­گە قونعانىن ايتا كەتكەنىمىز ءجون. ارينە, ءبىز قاسيەتتى قازاق جەرىنەن ادامزات بالاسى تۇڭعىش رەت عارىشقا ۇشقانىن, ەلىمىزدە دۇنيە جۇزىندەگى ءىرى عارىش كەشەنى بولىپ تابىلاتىن «بايقوڭىر» كوسمودرومى ورنالاسقانىن زاڭدى ماقتانىش ەتەمىز. تۇڭعىش قازاق عارىشكەرى توقتار اۋباكىروۆتىڭ 1991 جىلدىڭ 2 قازانىنداعى, ال كەلەسى قازاق عارىشكەرى تالعات مۇساباەۆتىڭ 1994 جىلدىڭ 1 شىلدەسىندەگى عارىشقا ساپارلارى دا كوپتەن كۇتكەن ارمانىمىزعا قول جەتكىزۋىمىز رەتىندە ورىندى باعالاندى. سول ۋاقىتتان بەرى عارىش كوگىندە قازاق ازاماتى سامعاماعانى, 2003 جىلدان بەرى 2 قانداسىمىز – مۇحتار ايماحانوۆ پەن ايدىن ايىمبەتوۆتىڭ عارىشكەرلىككە ۇمىتكەرلەر رەتىندە رەسەيدەگى عارىشكەرلەر دايارلايتىن ورتالىقتا ارنايى دايىندىقتان وتكەندەرى, بىراق ولاردىڭ عارىشقا قاشان ۇشارى بەلگىسىز بولعاندىقتان, ءبىر ۇمىتكەر قانداسىمىزدىڭ رەسەي ازاماتتىعىن الۋعا نيەت تانى­تىپ وتىرعانى بولەك اڭگىمە. بۇل جەردە ءبىزدىڭ ايتپا­عىمىز – ۋنيۆەرسيتەتتەگى حالىق­ارالىق كونفەرەنتسيا بارى­سىن­دا ت.مۇساباەۆتىڭ: «قازاق­ستان­دىقتار ءبىر نارسەنى جەتە ءتۇ­سىنبەي ءجۇر. توقتار اۋباكىروۆ كەڭەستىك كەزەڭدە ۇشقان تۇڭعىش قازاق عارىشكەرى, ال مەن بولسام, تاۋەلسىز ەلدىڭ تۇڭعىش عارىش­كە­رىمىن», دەگەن سوزدەرىنىڭ قيسىنعا كەلىڭكىرەي قويماي­تىن­دىعى. قوسارلانعان تۇڭعىش بول­مايدى. تۇڭعىش – قاشاندا جالقى. سامات مۇسا.