قارسىلاسى قاشىپ كەتتى

شىمكەنت قالاسىندا  الەم چەمپيونى اتاعى ءۇشىن ارنايى ماتچ ءوتۋى ءتيىس ەدى. بىراق... ماسەلە بىلاي بولدى. يۋرگەن برەيمەر, WBO جۇيەسى بوي­ىنشا الەم چەمپيونى گەرمانيادان ءبىر-اق شى­عىپ­تى دەگەن سىبىستى ەستىپ قالدىق. تاڭ ازانىمەن بەي­بىتتىڭ اكەسى ءامىرحان كوكەمىزدى جۇمىس ورنى­نان باستىق. – بالام ءۇشىن جۇرەگىم ءتىلىم-ءتىلىم بولىپ ءبىتتى, –دەيدى باتىردىڭ اكەسى. – ول وسى شەتەلدىكتەر كەشىكپەي كەلسە ەكەن دەپ ءۇش كۇن بويى الماتىنىڭ اۋەجايىندا ءجۇردى. جاق­سى قوناق ۇيگە ورنالاستىر­دىق. ەشتەڭەدەن كەمدىك كورگەن جوق ەدى. – سودان؟ – امەريكانىڭ پروموۋتەرلىك كومپانياسىنىڭ پرەزيدەنتى گەن گۋسسون ءوزىنىڭ سەرىكتەرىمەن ۇشىپ كەلگەندە اۋەجايدان يۋرگەن برەيمەردى كومانداسىمەن كورىپ قا­لا­دى. “شۇمەنوۆپەن بوكستاسپاي­مىن, ءىشىم اۋىرىپ ءجۇر”, – دەپتى. وسى جەكپە-جەكتىڭ الدىندا جاھانعا جار سالىپ: “شۇمەنوۆ­تىڭ قابىرعاسىن قاقىراتامىن, ەكى بەلدىگىن دە ءوزى تۋعان قالاسىندا شەشىپ الىپ كەتەمىن”, دەگەن سا­با­زىڭ اس-سۋدان ۋلانىپ قالدىم دەپ ەشكىمگە حابار سالماستان تا­بانىن جالتىراتىپ ۇلگەرىپتى. جانكۇيەرلەر اڭ-تاڭ. مۇن­داي­دا ءىشى اۋىرعان ادام تۇرا قاش­پاي, دارىگەر كومەگىنە ءجۇ­گىنەدى. جەكپە-جەكتىڭ وتپەۋ سەبەبىن قازاقستان كاسىپقوي بوكس فەدەرا­تسياسىنا, حالىقارالىق ءتيىستى ورىندارعا بىلدىرەدى. “مەن بۇرىن­دى-سوڭدى مۇنداي مىقتى فورماعا كەلگەن جوقپىن, ءوزىمدى وتە جاقسى سەزىنەمىن, جەكپە-جەككە تاس ءتۇيىن دايىنمىن”, دەگەن يۋرگەننىڭ بۇ­لايشا قۇبىلۋىندا تاعى ءبىر سىر بار سەكىلدى. قازاق­ستاندىقتار جاعى الدىن الا اناليز تاپسىرۋ تۋرالى ءوتىنىش ايتقاندا برەيمەردىڭ باپكەرى ميحاەل تيم ونى قۇلاعىنىڭ سىرتىمەن تىڭ­داپتى. كامپيلو دا استانادا جەكپە-جەك وتكىزگەننەن كەيىن اناليز تاپ­سىر­ماي ەسىگىن تارس جاۋىپ الىپ, اشپاي قويعانىنان حابارىمىز بار ەدى. سول كامپيلونى دا, ۋزەل­كوۆ­تى دا سىرت ەلدە تالقانداعان بەيبىت شۇمەنوۆتىڭ تۋعان جەرىندە اس­قار تاۋداي اكە-شەشەسى, الىپ قور­عا­نى قازاقستانداي وتانىندا قوس بەلبەۋىن ۇستاتىپ جىبەرۋى ەرتەگىنىڭ دە شەڭبەرىنە سىيمايدى. ء“ىشى ءوت­كەن” جىرىندى يۋرگەن برەيمەر وسىنى سەزگەن سەكىلدى. بۇزاقىلىعى ءۇشىن بىرنەشە مارتە سوتتى بولعان الەم چەمپيونى سوڭعى كيكىلجىڭ داۋى­نان ءالى دە قۇتىلماپتى. “ول ءوز بەلبەۋىنەن ايىرىلىپ قالماۋدى ويلاپ, قورقاقتىق تانىتتى”,  دەيدى ساراپشىلار. قازاقستان كاسىپقوي بوكس فەدە­را­تسياسىنىڭ باس حاتشىسى التىن­بەك نۇر­داۋ­لەتوۆپەن تىلدەستىك. – ءبىزدىڭ بەيبىت ءسوزسىز جەڭەتىن ەدى. اتتەگەن-اي, – دەيدى ول. –­ نەمىس قۋلىق ىستەپ كەتتى. ەندى ول حا­لىق­ارالىق سوتقا تارتىلادى. ءبىر­اق, شىمكەنتتە ايتىل­عان كۇنى جەكپە-جەك وتەدى. بەيبىت ءوز اتاعىن قورعاپ قالۋ ءۇشىن امە­ري­كالىق ءۇش ءدۇر­كىن الەم چەمپيونى ۋليامس جوپيمەن شارشى الاڭعا شىعادى. يۋرگەن برەيمەر سو­لاقاي بول­عاندىقتان, بەيبىت باپكەرىمەن ءۇش اي ۇرىس تاكتيكاسىن سوعان قۇرعان ەدى. ال, ۋليامس – وڭقاي. اينالدىرعان ەكى-ءۇش كۇندە تاك­تيكانى قايتا ءتۇزۋ, پسي­حو­لو­گيا­لىق دايىندىققا بۇل ۋاقىت وتە از. بىراق, ءبىز بەيبىتكە سەنەمىز. كونگە WBA جانە IBA بەلبەۋلەرىن قويىپ, قازاعى­نىڭ اتىن ايداي الەمگە ءماشھۇر ەتۋ ءۇشىن تاۋەكەلگە بارعان ەرجۇرەك ۇلى­مىز نەمىس قاشىپ كەتپەگەندە تمد بويىنشا دارا بوكسشى بولار ەدى. بۇل جولى جەڭسە, ول  ءۇش ءدۇر­كىن الەم چەمپيونى بولادى. باقتيار تايجان. شىمكەنت. ------------------------------------ سۋرەتتە: ب.شۇمەنوۆ باپكەرىمەن بىرگە.