اتىمدى الەم بىلگەن, ەڭسەم بيىك

مارفۋعا ايتحوجينا, مەملەكەتتىك سىيلىقتىڭ لاۋرەاتى. قوش كەلدىڭ, جاڭا جىلىم, تورلەت قانە, تۇرعاندا قازاعىمنىڭ ورلەپ باعى! دۇنيەنى جاڭالىقپەن ءدۇر سىلكىندىر, جۇرەكتى ولەڭ-جىرمەن تەربەپ تاعى. جاڭا جىل! جارقىن ءجۇزدى كەلسەڭ ك ۇلىپ, اتىمدى الەم بىلگەن, ەڭسەم بيىك! الاتاۋ تەبىرەندى قۋانىشتان – شىڭدارىن قاراعايلى تەڭسەلدىرىپ. باتىرلار اتقا قونىپ اتويلادى, قولىنا الداسپان مەن سەمسەردى ءىلىپ! عاسىرلار وسى كۇندى تالىپ كۇتكەن, قارسى الدى قۋانىشپەن حالىق بىتكەن. الەمدى قۇشاعىنا سىيعىزىپ تۇر قازاعىم قانداي عاجاپ, الىپ تىپتەن. ارقاسىن ەلباسى تۇر ەلگە سۇيەپ, جارتاستى قاراعايداي جارىپ بىتكەن!.. كورسەتىپ الاش ۇلى اسقاقتىعىن, جانارىن دۇشپانىمنىڭ جاسقاپ تۇرمىن. جۇرتىنا تورتكۇل دۇنيە ۇلگى بولىپ كەلەدى, ەرىم, ەلىن باستاپ بۇگىن. جىل بولدى تىم ەرەكشە – جاڭا جىلىم, اسىرعان پاراسات پەن دانالىعىن. كوتەردى كوك تۋىنداي, كوك اسپانعا, ءوزىنىڭ تۋعان ەلى سانالى ۇلىن. ورىنى دارالاندى كونە جىلدىڭ, تاڭعالتىپ دۇنيەنى كەلەدى ۇلگىم. ايتۋدا ءبىر اۋىزدان الەم جۇرتى, ەلباسىنىڭ تاپقىرلىق, تورەلىگىن. قوش كەلدىڭ, جاڭا جىلىم, تورلەت قانە, تۇرعاندا ەر قازاقتىڭ ورلەپ باعى. دۇنيەنى جاڭالىقپەن ءدۇر سىلكىندىر, جۇرەكتى ولەڭ-جىرمەن تەربەپ تاعى.

شاش, قانە, شاشۋىڭدى...

اسپاننان ايقىش-ۇيقىش قار قىلاۋلاپ, وتتارى جاڭا جىلدىڭ جاندى لاۋلاپ. التايى ءۇمىت تۇلكى قىرعا تارتتى, الاڭسىز اقشا قارعا الدى دا اۋناپ. ۇلىقتاپ ۇلىس كۇنىن مۇنشا كۇتكەن, قارسى الىپ حالقىم جاتىر جىر-شابىتپەن. وقالاپ ومىراۋىنا جۇلدىز قاداپ, جارقىراپ شىعا كەلدى شىرشا بىتكەن! جايعاستى جاڭا جىلىم تاققا بارىپ, بۇل كۇنى بالا دا  ءماز, قارت تا قارىق. جاستار ءجۇر شىرشا اينالىپ, شىرقاي ءتۇسىپ, جىرلارىن جاڭا جىلدىڭ جاتتاپ الىپ. اپتىقپاي, كەڭ ادىمداپ الىپ دالام, بولعانشا بۇگىپ سىرىن, تانىپ عالام. كەلەدى كۇمىس كۇنىن كوككە ورلەتىپ, قىراننىڭ قاناتىمەن قالىقتاعان. حالىقپىز قازاق دەگەن جايما شۋاق, كورمەپپىز قۋلىق جەمدەپ, ايلا اسىراپ. توقشىلىق توڭكەرىلىپ تاس توبەمدە, ىعىمدا ىرىس جاتىر جايعاسىپ اپ. وزىڭە اشتى, مىنە, ەلىم ەسىك, تومپيىپ تىنىشتىق بوپ, تورىمە شىق! جادىراپ مينۋت سايىن ماڭايىمىز, كوركەيسىن كەلبەتىڭە كوڭىل ءوسىپ. سارعايا كۇتكەن ەدى سايىن دالام, شاش, قانە, شاشۋىڭدى دايىنداعان! اللانىڭ راحىمىنان ءۇمىت ۇزبەي, كورەيىك كۇنىڭدى ەسەن, ايىڭدى امان. كەلدىڭ بە؟ تاسىتىپ كەل ءتىل مەرەيىن, قىزىعىن قازىنامنىڭ ءبىر كورەيىن. تورىمە وز, توسىرقاماي, تورەدەي بوپ, كەيكيمەي, كىبىرتىكتەپ كىرمەدەيىن. تەمىرشە سارىباي ۇلى.