كوكشەتاۋ قالاسىندا كوممۋنيستىك حالىق پارتياسى ورتالىق كوميتەتىنىڭ باسشىلىعى «قازىرگى زامانعى كوممۋنيستىك يدەيا» تاقىرىبىندا جاستارمەن كەزدەسۋ ءوتكىزدى. بۇل شاراعا پارتيا كوشباسشىسى ۆلاديسلاۆ كوسارەۆ, پارتيا حاتشىسى تۇرعىن سىزدىقوۆ قاتىستى.
وبلىستىق كاسىپوداقتار كەڭەسىندە وتكەن جيىنعا قاتىسۋشىلارعا ارناعان سوزىندە پارتيا كوسەمدەرىنىڭ ءبىرى, بۇرىنعى كوكشەتاۋ وبلىستىق كاسىپوداقتار كەڭەسىنىڭ ءتوراعاسى ۆلاديسلاۆ كوسارەۆ «قازىرگى كەزەڭدەگى كوممۋنيستىك يدەيانىڭ وزەكتىلىگى» تاقىرىبىندا بايانداما جاسادى. شەشەن ءوز سوزىندە, ەلىمىزدەگى كوپپارتيالىق قۇرىلىمنىڭ دەموكراتيالىق ۇستانىمداردى قالىپتاستىرۋداعى ماڭىزىن ايرىقشا اتاپ ءوتتى.
كوممۋنيستىك حالىق پارتيانىڭ حاتشىسى تۇرعىن ىسقاقوۆ ءبىزدىڭ بولاشاعىمىز جاستاردىڭ قولىندا ەكەندىگىن اتاپ ءوتىپ, پارتيا قىزمەتىنىڭ قازىرگى ۋاقىتتاعى نەگىزگى ۇستانىمدارىنا نازار اۋداردى. ول كوممۋنيستىك پارتيانىڭ ۋاقىت اعىمدارىمەن بىرگە داميتىندىعىن, قازىرگى قالىپتاسقان جاعدايلارعا بايلانىستى قىزمەت جاساپ, قوعامدىق ۇردىستەرگە ىقپال ەتەتىندىگىن ءبىرىنشى ساتىعا قويدى. قوعام دەموكراتيالىق نەگىزدەرمەن قۋاتتاناتىندىعى ۇنەمى الدا بولۋى ءتيىس دەگەن پىكىردى باسقوسۋعا قاتىسۋشىلار قولداپ وتىردى.
كەزدەسۋ سوڭىندا پارتيانىڭ وڭىرلىك دەڭگەيدەگى جاستار قاناتىنىڭ جەتەكشىسى ءاليا ەلامانوۆا الداعى ەلەكتورالدى كومپانيادا جاستاردىڭ بەلسەندى قىزمەت اتقاراتىنىنا سەنىم ءبىلدىردى.
باقبەرگەن امالبەك,
«ەگەمەن قازاقستان».
اقمولا وبلىسى.