كەشە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ ماسكەۋدە رەسەي فەدەراتسياسى ۇكىمەتى توراعاسىنىڭ ءبىرىنشى ورىنباسارى يگور شۋۆالوۆپەن كەزدەسۋ وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
تاراپتار قازاقستان مەن رەسەي اراسىنداعى ساۋدا-ەكونوميكالىق قارىم-قاتىناستاردىڭ جاعدايىن, ونەركاسىپ سالاسىنداعى, كولىك ءترانزيتى جانە كوممۋنيكاتسيالىق سالالارداعى ىنتىماقتاستىقتى تالقىلادى.
باقىتجان ساعىنتاەۆ پەن يگور شۋۆالوۆ, سونداي-اق, ەۋرازيالىق ەكونوميكالىق وداق شەڭبەرىندەگى كوكەيكەستى ماسەلەلەردى دە اڭگىمە وزەگىنە اينالدىردى.
كەزدەسۋ قورىتىندىسى بويىنشا تاراپتار ساۋدا-ەكونوميكالىق ءوزارا بايلانىستاردىڭ بارلىق سپەكترى بويىنشا ەكىجاقتى ىنتىماقتاستىقتى ودان ءارى تەرەڭدەتۋگە دەگەن مۇددەلىلىكتەرىن ءبىلدىردى.