ورال. 25 مامىر. باتىس قازاقستان وبلىسى بوكەي وردا اۋدانىنداعى ءىرى مەنشىك يەسى 64 جانە 30 جاستاعى اكەلى-بالالى ادامداردى 2 اي بويى قۇلدىقتا ۇستاعان. وسى ىسكە قاتىستى وتكەن سوت پروتسەسىندە جابىرلەنۋشىلەر قوجايىنعا قوياتىن كىنالارى جوق ەكەنىن ايتقان. ويتكەنى ول قۇلدىقتا ۇستالعانداردىڭ شىعىنىن وتەگەن ەكەن. بۇل تۋرالى egemen.kz ءتىلشىسى حابارلادى.
وقيعا جەلىسى بىلايشا وربىگەن. قىستاقتاعى جان توزگىسىز اۋىر جاعدايعا شىداي الماعان 30 جاستاعى جىگىت ول جەردەن قاشىپ شىعادى. الايدا, ونى مەنشىك يەسى تاۋىپ الىپ, قايتادان اۋىر جۇمىسقا جەگەدى. قۇلدىقتاعىلاردى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جۇرگىزگەن وپەراتسيا كەزىندە قۇتقارۋدىڭ ءساتى ءتۇستى.
سوتتا ايىپتالۋشى ءوزىنىڭ كىناسىن تولىق موينىنا الىپ, ءارى وتكەن ىسكە وكىنەتىنىن ءبىلدىردى. ال ءزابىر كورۋشىلەر قوجايىن وزدەرىنە تيەسىلى اقشانى قايتارعاندىقتان وعان شاعىمدارى جوق ەكەنىن مالىمدەدى. ناتيجەسىندە سۋديا «بوستاندىقتان ەرىكسىز ايىرۋ» بابى بويىنشا, ايىپتالۋشىعا شارتتى تۇردە بەس جىل بوستاندىعىنان ايىرۋ جونىندە جازا تاعايىندادى.
تەمىر قۇسايىن.
دەرەك: egemen.kz.
سۋرەت: zn.ua.