الماتى. 25 مامىر. الماتىداعى مەكتەپتەردە سوڭعى قوڭىراۋ سوعىلدى. قالا بويىنشا وسى جىلى 7905 تۇلەك مەكتەپ بىتىرەدى. بۇل تۋرالى egemen.kz حابارلادى.
قالا اكىمى احمەتجان ەسىموۆ №90 ارنايى ءبىلىم بەرەتىن مەكتەپ-ليتسەيدە سوڭعى قوڭىراۋ سالتاناتىنا قاتىستى. وقۋشىلار الدىندا ءسوز سويلەگەن قالا باسشىسى: «بۇگىنگى تاڭدا مەكتەپ ءبىتىرىپ جاتقان 7905 وقۋشىنىڭ 6221-ءى ۇلتتىق بىرىڭعاي تەستىلەۋ سىنىنا قاتىسادى. بۇل بيىلعى مەكتەپ ءبىتىرۋشى تۇلەكتەردىڭ 80 پايىزى. ءبىزدىڭ قالامىزدىڭ تالاپكەرلەرى اتالعان تەست قورىتىندىسىنا سايكەس ءۇش جىل قاتارىنان كورسەتكىشتەرى بويىنشا تەك قانا الدا كەلەدى. بيىل دا العى شەپتەن كورىنەمىز دەگەن ۇمىتتەمىن»,–دەدى.
ايتا كەتەيىك, بۇل مەكتەپ-ليتسەي ۇلتتىق بىرىڭعاي تەستىلەۋدە ون جىلدان بەرى ءبىرىنشى ورىندا كەلەدى.
تالعات ءسۇيىنباي.
دەرەك, سۋرەت: egemen.kz.