ءوزىنىڭ ومىرشەڭدىگىن دالەلدەگەن فورۋم

استانادا بەسىنشى دۇركىن وتكەن الەمدىك جانە ءداستۇرلى دىندەر ليدەرلەرىنىڭ V سەزى دىندەر­ارالىق ۇنقاتىسۋ­دىڭ ايقىن الاڭىنا اينالدى. نەبارى 13 جىلدىڭ ىشىندە بۇكىلالەمدىك دەڭگەيدە مو­يىن­دالۋى سەزدىڭ ماڭىزدىلىعىن, وزەكتىلىگىن كورسەتەدى. ەلباسىمىز ن.ءا.نازارباەۆتىڭ ساليقالى ساياساتىنىڭ ارقاسىندا ونىڭ ومىرشەڭدىگى دالەلدەنىپ وتىر. سەزگە قاتىسقان سپي­كەر­لەردىڭ ءبىرى ۆا­تيكان پاپاسىنىڭ دىنارالىق ۇنقا­تىسۋ كەڭەسىنىڭ پرەزي­دەن­تى, كار­دينال جان-لۋي ­تورا­ننىڭ «اس­تا­­­نا تەك قانا قا­زاق­­­س­تاننىڭ استا­­نا­سى ەمەس, ول بار­لىق ءدىن­دەر ۇنقا­تىسۋ­ى­نىڭ استاناسىنا اي­نالدى», – دەپ ءمالىم­دەۋىندە ۇلكەن ءمان جاتىر. سەزدە كوتەرىلگەن ماڭىزدى ماسەلەلەردىڭ الەم الدىندا بەرەرى كوپ. اسىرەسە, يسلام قوعامىنداعى ءدىني داعدارىستىڭ, احۋالدىڭ تۇراقتانۋىنا سەپتىگىن تيگىزەدى دەپ كۇتىلۋدە. سەزدىڭ سەكتسيالىق جۇمىسىنا قاتىسقان ەلىمىزدىڭ باس ءمۇفتيى ەرجان قاجى مالعاجى ۇلى دا تۇ­شى­مدى ويلارىن ورتاعا سالعان كەز­دە شەت­ەلدەر­دەن كەلگەن قوناقتار وڭ پىكىرلەرىن ءبىلدىرىپ وتىردى. – ءدىن – بۇكىل الەمدە ادام­­داردىڭ رۋحاني دۇنيەتانىمىن باي­ىتا وتىرىپ, جەر بەتىندەگى ادام­زات قاۋىمىنىڭ ءومىر ءسۇرۋ يگى­لىگىنە ءوز ۇلەسىن قوساتىن قۋاتتى كۇش. سون­دىقتان, سول كۇشتى ادامدار ارا­سىنداعى دوستىق پەن ىنتىماققا جانە مەملەكەتىمىزدىڭ دامۋىنا جۇمساۋىمىز قاجەت. ال ءوزارا كەلى­سىم مەن جاراسىمدىلىققا يسلام ءدىنىنىڭ قوسار ۇلەسى ولشەۋسىز, – دەپ باس ءمۇفتي يسلام ءدىنىنىڭ نەگىزگى قۇن­دىلىقتارىنىڭ ءبىرى – بەيبىتشىلىكتى دارىپتەدى. الەمدىك جانە ءداستۇرلى دىندەر كوشباسشىلارىنىڭ سەزى ءوزىنىڭ ءمانى مەن ماڭىزدىلىعىن ەشقاشان جوعالتپاق ەمەس. ويتكەنى, قازىرگى جاھاندانۋ داۋىرىندە جەر بەتىندەگى بارلىق ادامزات بەينەبىر قالادا ءومىر ءسۇرىپ جاتقانداي. ولاي بولسا, ادامزات دىنىنە, ناسىلىنە, ۇلتى­نا قاراماستان, ىنتىماقتا, بەيبىت­شىلىكتە, تاتۋلىقتا ءومىر سۇرە الا­تى­نىنا وسى سەزدىڭ الاڭى ەڭ ءۇل­كەن دالەل بولىپ قالا بەرمەك. ەرشات وڭعاروۆ, قمدب اپپارات ءبولىمىنىڭ مەڭگەرۋشىسى, تەولوگ, PhD.