استانا. 25 مامىر. قازاقستاننىڭ بارلىق مەكتەپتەرىندە سوڭعى قوڭىراۋ ءۇنى سىڭعىرلاپ, ءبىتىرۋشى تۇلەكتەر ءبىلىم ورداسىنان قانات قاققالى تۇر. بۇل تۋرالى قازاقستان رەسپۋبليكاسى ءبىلىم جانە عىلىم مينيسترلىگىنىڭ ءباسپاسوز قىزمەتى حابارلادى.
ەلىمىز بويىنشا وسى جىلى 124 مىڭ وقۋشى 11-سىنىپتى اياقتاپ وتىر. ال 87 770 تۇلەك ۇلتتىق بىرىڭعاي تەست تاپسىرۋعا ءوتىنىش بەرگەن. سونداي-اق, 4 498 وقۋشى «التىن بەلگىگە» ۇمىتكەر.
ايتا كەتەيىك, بۇگىنگى «سوڭعى قوڭىراۋ» ساتىندە مەكتەپ ءبىتىرۋشى تۇلەكتەر ۇستازدار قاۋىمىنا شەكسىز العىستارىن ءبىلدىرىپ, ءبىلىمى سىنالار ۇلتتىق بىرىڭعاي تەستتە جوعارعى بالل جينايتىندىقتارىن جەتكىزدى.
تالعات رايىمبەك.
دەرەك: ءبىلىم جانە عىلىم مينيسترلىگىنىڭ ءباسپاسوز قىزمەتى.
سۋرەت: namys.kz.