استانا. 20 قازان. مەملەكەت باسشىسى نۇرسۇلتان نازارباەۆ گەننادي گولوۆكينگە ونىڭ بوكستان WBA, IBO, IBF جانە WBC interim تۇجىرىمدارى بويىنشا الەم چەمپيونى اتاعى ءۇشىن وتكەن جەكپە-جەكتەگى جەڭىسىنە وراي قۇتتىقتاۋ جەدەلحاتىن جولدادى. بۇل تۋرالى akorda.kz حابارلادى.
ەلباسى جەدەلحاتتا گەننادي گولوۆكيننىڭ وزىنە سەنىم ارتقان قازاقستاندىقتاردىڭ ءۇمىتىن اقتاعانىن اتاپ وتكەن.
«اتاقتى قارسىلاسپەن وتكەن ءادىل ءارى ىمىراسىز جەكپە-جەكتە جوعارى سپورتتىق شەبەرلىگىڭ مەن جىگەرلى مىنەزىڭدى كورسەتۋ ارقىلى سەن ءوز وتانىڭ – قازاقستان رەسپۋبليكاسىن لايىقتى تانىتا ءبىلدىڭ. سەنىڭ جارقىن جەتىستىكتەرىڭ ءبىزدىڭ سپورتشىلارىمىز ءۇشىن جاقسى ۇلگى بولاتىنىنا جانە ەلىمىزدەگى بوكستىڭ ودان ءارى دامۋىن ىنتالاندىراتىنىنا سەنىمدىمىن», – دەلىنگەن قۇتتىقتاۋدا.
قازاقستان پرەزيدەنتى سونداي-اق, گولوۆكينگە مىقتى دەنساۋلىق جانە جاڭا سپورت بيىكتەرىن باعىندىرۋ جولىندا تابىس تىلەدى.
ەلامان قوڭىر.
دەرەك, سۋرەت: akorda.kz.