قوستاناي. 24 مامىر. قوستاناي وبلىسىنىڭ اكىىم نۇرالى سادۋاقاسوۆ رەسەيدىڭ ترويتسك قالاسىندا چەليابى وبلىسىنىڭ گۋبەرناتورى بوريس دۋبروۆسكيمەن كەزدەسىپ, قارابالىق اۋدانىنداعى «ترويتسكايا گرەس» اكتسيونەرلىكقوعامىنىڭ فيليالى بولىپ سانالاتىن كۇل ءۇيىندىسىنىڭ ءۇشىنشى سەكتسياسىنىڭ پايدالانۋ مەرزىمىن ۇزارتۋ ماسەلەسىن قارادى.بۇلۋ تۋرالى egemen.kz ءتىلشىسى حابارلادى.
قوستاناي وبلىسى بويىنشا ەكولوگيا دەپارتامەنتى باسشىسىنىڭ مىندەتىن اتقارۋشى ۆيكتور مۇحامەدجانوۆ: «رەسەي فەدەراتسياسى مەن قازاقستان رەسپۋبليكاسى اراسىنداعى ىنتىماقتاستىق جونىندەگى ۇكىمەتارالىق كوميسسيا 2018 جىلدىڭ 1 مامىرىنان باستاپ, كۇل تاستايتىن ورىندى پايدالانباۋ جونىندە شەشىم قابىلداعان بولاتىن. وندا 2018 جىلدىڭ سوڭىنا دەيىن «وگك-2» – ترويتسكايا گرەس» اشىق اكتسيونەرلىك قوعامى كۇل تاستاعان كولدى تولىق تەحنيكالىق جانە بيولوگيالىق وڭدەۋدەن وتكىزىپ بەرۋ شارتىن ورىنداۋى ءتيىس», دەدى.
ترويتسك ەلەكتر ستانساسىنىڭ ك ۇلىن تاستايتىن ورىننىڭ جۇمىسىن توقتاتىن كەز الىس ەمەس, ەكى جىل عانا قالدى. جىل سايىنعى شىعاتىن كۇل قالدىقتارىنىڭ كولەمىن ەسەپتەي كەلگەندە, كۇل تاستايتىن ورىننىڭ 3-سەكتسياسى مەرزىمدى 2018 جىلدىڭ 1 مامىرىنا دەيىن جارتىلاي عانا تولادى. الايدا بۇگىن كۇل تاستايتىن ورىننىڭ تولماعان كولەمىن وڭدەيتىن تەحنولوگيا ءالى جاسالعان جوق.
وتكەن جىلى قازان ايىندا ەكى جاق كەزدەسىپ, كۇل تاستايتىن ورىندى پايدالانۋ جونىندەگى بىرىڭعاي ۇسىنىستار تۋرالى ءماجىلىس جاساعان بولاتىن. ۆيكتور مۇحامەدجانوۆ: «وندا 2015 جىلدىڭ اياعىنا دەيىن كۇل تاستايتىن ورىننىڭ 1, 2 سەكتسياسىن تەحنيكالىق جانە بيولوگيالىق وڭددەۋدى اياقتاپ, 3 سەكتسيانى پايدالانۋ شارتتارىن انىقتاۋ ماقساتىندا ەكولوگيالىق اۋديت جۇرگىزىپ, ونى قاراپ, ۇسىنىستار ەنگىزۋى ءۇشىن ەكولوگيا دەپارتامەنتىنە بەرۋى كەرەك بولاتىن. كۇل تاستاين ورىننىڭ 3 سەكتسياسىن پايدالانۋعا بەرۋ ماسەلەسى تابيعات پايدالانۋشىلار 1 جانە 2 سەكتسيانىڭ جەرىن وڭدەپ, مەملەكەتكە تاپسىرعاندا عانا جانە شۇباركول كولىندە ەكولوگيالىق اۋديت جۇرگىزگەندە عانا قارالادى» دەدى.
ال ترويتسك ەلەكتر ستانساسىنىڭ ديرەكتورى بوريس كراسنوپەەۆ شارتتاردىڭ مەرزىمدى ورىندالىپ وىترعانىن ايتىت. ونىڭ ايتۋىنشا, كۇل تاستايتىن ورىننىڭ 1 سەكتسياسى وڭدەلدى, ول ءۇشىنشى توقساندا تاپسىرىلۋعا ءتيىس. 2 سەكتسياداعى تەحنيكالىق جانە بيولوگيالىق وڭدەۋ جۇمىستارى باستالدى, مامىر ايىندا 26 گەكتار جەر وڭدەلدى. قازىردە ترويتسك گرەس-ءى ەكولوگيالىق اۋديت جۇرگىزەتىن مەردىگەرگە كونكۋرس جاريالاپ تا قويىپتى. ديرەكتور قوستانايلىق ەكولوگتاردى وسىلاي سەندىردى.
وبلىس اكىمى نۇرالى سادۋاقاسوۆ 3 سەكتسيا تولماي وندا وڭدەۋ جۇمىستارىنىڭ جۇرگىزىلمەيتىنىن تۇسىنەتىنىن ايتتى. بىراق رەسەيلىكتەر تاراپىنان 1 جانە 2 سەكتسيادا تولىق وڭدەۋ جۇمىستارى اياقتالمايىنشا, 3 سەكتسيانى ودان ءارى پايدالانۋعا بەرۋ تۋرالى ماسەلە قوزعالمايتىنىن دا ەسكەرتتى.
ءنازيرا جارىمبەتوۆا.
دەرەك, سۋرەت: egemen.kz