استانا. 24 مامىر. ءۇندىستاندا كۇننىڭ ىستىعىنان ءبىر اپتا ىشىندە 335 ادام قايتىس بولدى. ەلدەگى مەتەرولوگيا ورتالىعىنىڭ ماماندارى اۋا رايىنىڭ وتە جوعارى تەمپەراتۋرادا بولۋى الداعى اپتا ىشىندە بىرنەشە كۇنگە جالعاسۋى مۇمكىن دەپ وتىر. بۇل تۋرالى lenta.ru حابارلادى.
ءۇندىستاننىڭ وڭتۇستىگىندەگى اندحرا-پرادەش پەن تەلانگانا شتاتتارىندا كۇن رايىنىڭ وتە قاتتى ىسۋى تىركەلگەن. سينوپتيكتەر اۋا تەمپەراتۋراسىنىڭ +48 گرادۋستان جوعارى بولعانىن مالىمدەدى. وسىنىڭ سالدارىنان ءبىر عانا شتاتتا 135 ادام قايتىس بولدى. مۇنىڭ بارلىعى قاراپايىم جۇمىسشىلار. قازىرگى تاڭدا كوپتەگەن اۋدانداردا اۋىز سۋ تاپشىلىعى بايقالادى.
ايتا كەتەيىك, ءۇندىستاننىڭ تەلانگانا شتاتىندا اۋا رايىنىڭ كۇرت ىسىپ كەتۋى 1947 جىلى تىركەلگەن ەكەن. وندا اۋا تەمپەراتۋراسى +47,2 گرادۋستى كورسەتكەن.
تالعات رايىمبەك.
دەرەك, سۋرەت: lenta.ru.