اقتاۋ. 24 مامىر. كاسپي تەڭىزىندە 26 جاستاعى اقتاۋ تۇرعىنى سۋعا باتىپ كەتتى. بۇل تۋرالى ماڭعىستاۋ وبلىستىق قۇقىق قورعاۋ ورگاندارىنا سىلتەمە جاساعان lada.kz حابارلادى.
قايعىلى وقيعا بىرنەشە كۇن بۇرىن فورت-شەۆچەنكو قالاسىنان ءجۇز جاقىرىم جەردەگى شىعاناقتاردىڭ بىرىندە بولعان. قۇقىق قورعاۋ ورگاندارى تاراتقان مالىمەتتەرگە قاراعاندا, شومىلماقشى بولعان جاس جىگىت سۋعا باتىپ كەتكەن. قۇتقارۋشىلار مارقۇمنىڭ دەنەسىن تاۋىپ, سۋدان شىعاردى.
وقيعانىڭ وزگە جاي-جاپسارى ءالى دە بەلگىسىز. بۇگىنگى تاڭدا قۇقىق قورعاۋ قىزمەتكەرلەرى قايعىلى جاعدايدىڭ انىق-قانىعىن انىقتاۋدا.
پوليتسيا قىزمەتكەرلەرى مەن قۇتقارۋشىلار قالا تۇرعىندارى مەن وبلىس قوناقتارىنان سۋعا شومىلۋ كەزىندە ساق بولۋلارىن سۇرايدى. ماماندار تەڭىز تولقىندى بولعاندا الىسقا جۇزبەۋ كەرەكتىگىن, سونداي-اق, ماس كۇيدە سۋعا تۇسۋگە بولمايتىنىن قاتاڭ ەسكەرتەدى.
گۇلايىم شىنتەمىرقىزى.
دەرەك, سۋرەت: lada.kz.