استانا. 6 شىلدە. بۇگىن استانادا ەلوردا كۇنىنە وراي سالماعى 746 كيلو تارتاتىن ەت دايىندالدى. بۇل الەم بويىنشا ءبىر مەزەتتە ەڭ كوپ مولشەردە دايىندالعان بەسبارماق رەتىندە گيننەسستىڭ رەكوردتار كىتابىنا ەنگىزىلدى. بۇل تۋرالى egemen.kz حابارلادى.
قالاداعى «عاشىقتار» ساياباعىندا «تايقازان» دەگەن اتپەن وتكەن شارانى قازاقستان حالقى اسسامبلەياسى, قازاق گەوگرافيالىق قاۋىمداستىعى جانە استانا قالاسىنىڭ اكىمدىگى ۇيىمداستىردى.
ۇلتتىق تاعامدى دايىنداۋ ءۇشىن 500 كگ. ەت, 300 كگ. پياز جانە 300 كگ. ۇن ساتىپ الىنعان. ۇيىمداستىرۋشىلاردىڭ ايتۋىنشا, ونىڭ ءبارى بىردەي پايدالانىلماعان. سەبەبى, دايىن ءونىمنىڭ ءوزى گيننەسس كىتابىنىڭ تالاپتارىن ورىنداۋ ءۇشىن جەتكىلىكتى بولدى. ناتيجەسىندە تۇركيادان ارنايى كەلگەن اتالعان كىتاپتىڭ وكىلدەرى «ەلدىڭ باستى ۇلتتىق تاعامىن ازىرلەۋ» دەگەن اتاۋمەن بۇل ەتتى رەكوردتار قاتارىنا قوستى. تالاپتارعا سايكەس, تاعام تەك ءداستۇرلى تاسىلمەن ءبىر قازاندا دايىندالۋى قاجەت بولعانىن ايتا كەتەيىك.
اسپازدار قۇرامى 25 ادامنان تۇراتىن ەتتەن كەلۋشىلەر ءدام تاتىپ ءوز باعالارىن بەردى.
ەلامان قوڭىر.
دەرەك: egemen.kz.
سۋرەت: astana.gov.kz.