ءسان كورسەتىلىمى سانا سەرگىتتى

شىعىس وڭىرىندە مۇمكىندىگى شەكتەۋلى بۇلدىرشىندەر ارا­سىن­دا ءسان كورسەتىلىمى ءوتتى. كور­سە­تى­لىمدە 9 ەكسكليۋزيۆتى مودەل ۇسى­نىل­دى. ولاردىڭ ىشىندە كەڭ­سە مەن ارنايى كەشتەرگە جانە كۇن­دەلىكتى كيۋ­گە ارنالعان كيىم­دەر بار. ۇيىمداستىرۋشىلار دي­زاي­نەرلەردىڭ كيىمدەردى ءمۇم­كىندىگى شەك­تەۋلى جاندارعا لايىق­تاپ, ارنايى تىككەنىن ايتادى. ءسان كورسەتىلىمى حا­لىق­ارالىق مۇگەدەكتەر كۇنىنە وراي «كە­دەرگىسىز كەلەشەك» جو­باسىنىڭ شەڭبەرىندە ۇي­ىمداستىرىلدى. شارا بارىسىندا مودەلدەر مەرەكەلىك كەشتەر مەن رەسمي كەزدەسۋلەرگە ارنالعان كيىمدەر لەگىن ۇسىندى. ارنايى اياقكيىمدەر وسكەمەن قالاسىنداعى پروتەزدىك-ور­توپەديالىق ور­تالىقتىڭ قول­داۋىمەن كورسە­تىلىمنىڭ ءار قاتى­سۋشىنا جەكە تىگىلگەن ەكەن. بۇل كەشكە 30 كوپبالالى انا شاقىرىلىپ, ولارعا «راي­سكايا پتيتسا» سۇلۋلىق جانە دەن­ساۋلىق ورتالىعىنىڭ قىز­مەتىن تەگىن پاي­دالانۋعا ار­نالعان ابو­نە­مەنتتىك كارتوچكالار سىيعا تار­تىلدى. سو­نىمەن بىرگە, اتالعان شاراعا وسكەمەن, ريد­دەر قالالارى مەن ۇلان, گلۋ­بوكوە, زايسان, شە­مونايحا, بەس­قاراعاي اۋدان­­دا­رىنان كەلگەن 73 ءمۇم­كىندىگى شەك­تەۋلى ءبۇلدىرشىن قاتىستى. كەش سو­ڭىندا ولار­عا وبلىستىق دراما تەات­رى ارتىستەرىنىڭ قاتىسۋىمەن «كوت ۆ ساپوگاح» اتتى بالالار سپەكتاكلى قويىلدى. ايتا كەت­كەن ابزال, اتالعان شارا­نى وبلىستىق جۇمىسپەن قام­تۋ جانە الەۋمەتتىك باع­دار­لامالاردى ۇيلەستىرۋ باس­قار­ماسى مەن «نۇر وتان» پار­تيا­سىنىڭ وبلىستىق فيليالى ۇيىمداستىردى. دۋمان اناش, «ەگەمەن قازاقستان». وسكەمەن.