قاراعاندى. 1 قىركۇيەك. قاراعاندى قالاسىندا كەنشىلەر كۇنى مەرەكەسىنە وراي جەرگىلىكتى «شاحتەر» جانە تەمىرتاۋلىق «بولات» كوماندالارىنىڭ ارداگەر فۋتبولشىلارى اراسىندا جولداستىق كەزدەسۋ ءوتتى. بۇل تۋرالى egemen.kz ءتىلشىسى حابارلادى.
تارتىستى وتكەن ويىندا قاراعاندىلىقتاردىڭ مەرەيى ۇستەم بولدى. تەمىرتاۋ كومانداسىنىڭ قاقپاسىنا ەكى گولدى «شاحتەردىڭ» بۇرىنعى ەكس-ديرەكتورى, قازىرگى ۋاقىتتا قازاقستان فۋتبول فەدەراتسياسى بۇقارالىق فۋتبول دەپارتامەنتىنىڭ ديرەكتورى اسقار ابىلداەۆ پەن مۇرات اسىلباەۆ سوقتى.
سونداي-اق, «شاحتەردىڭ» قۇرامىندا جاسىل الاڭعا كەنشىلەردىڭ بۇرىنعى باس باپكەرى ۆلاديمير چەبۋرين, كلۋبتىڭ اتقارۋشى ديرەكتورى سەرگەي ەگوروۆ جانە سپورتتىق ديرەكتورى يگور سولوشەنكو شىقتى.
قايرات ءابىلدينوۆ.
دەرەك, سۋرەت: egemen.kz.