استانا. 23 مامىر. بەرلين تۇرعىنى 65 جاستاعى اننەگرەت راۋنيگ تورتەم بوساندى. ول بۇعان دەيىن 13 بالانى ومىرگە اكەلىپ, باتىر انا اتانعان بولاتىن. بۇل تۋرالى lenta.ru حابارلادى.
اننەگرەت راۋنيگ جاسىنىڭ ۇلعايعاندىعىنا قاراماستان 3 ۇل, 1 قىزدى دۇنيەگە اكەلدى. سابيلەردىڭ سالماعى 655 – 960 گرامم بولسا, بويلارى 30 – 35 سانتيمەتر ارالىعىندا. قازىر ولار دارىگەردىڭ قاتاڭ باقىلاۋىندا.
كوپ بالالى انا ءوزىنىڭ تورتەمىن 26 اپتا جۇكتىلىك مەرزىمىندە بوسانىپ وتىر.
بۇگىندە راۋنيگ قۇرساعىنان شىققان 13 بالادان 7 نەمەرە ءسۇيىپ وتىر. ول: «مەنىڭ 10 جاستاعى كەنجە قىزىم ليولە وزىنە ءىنى كەرەكتىگىن ايتتى. سوسىن مەن قىزىمنىڭ ۇسىنىسىن قابىل الدىم. كورىپ وتىرعاندارىڭىزداي ەندى ليولەنىڭ 3 ىنىسى, 1 سىڭلىسى بار», – دەدى.
تالعات رايىمبەك.
دەرەك, سۋرەت: lenta.ru.