استانا. 23 مامىر. بۇگىن بەلگىلى جازۋشى, قالامگەر, قازاقستان رەسپۋبليكاسىنىڭ ەڭبەك سىڭىرگەن قايراتكەرى ديداحمەت ءاشىمحان 65 جاسقا قاراعان شاعىندا قايتىس بولدى. بۇل تۋرالى egemen.kz حابارلادى.
جازۋشىمەن قوشتاسۋ ءراسىمى ەرتەڭ ساعات 09:30-دا الماتى قالاسىنداعى جازۋشىلار وداعىنىڭ عيماراتىندا وتەدى. دۇيسەنبى كۇنى تۋعان جەرى شىعىس قازاقستان وبلىسى, قاتونقاراعاي اۋدانىنا جەرلەنەدى.
ديداحمەت ءاشىمحان 1950 جىلى 10 ماۋسىمدا شىعىس قازاقستان وبلىسى, قاتونقاراعاي اۋدانى, جاڭاۇلگى اۋىلىندا تۋعان. 1978 جىلى قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن بىتىرگەن. ەڭبەك جولىن تۋعان وڭىرىندەگى «كوممۋنيزم تۋى» گازەتىندە باستاعان قالامگەر «لەنينشىل جاس», «قازاق پيونەرى», «قازاق ادەبيەتى», «زامان – قازاقستان» جانە «تۇركىستان» سىندى گازەتتەردە قىزمەت اتقاردى.
«اققابانىڭ تولقىنى», «ون ءبىرىنشى كۇز», «كامەننايا پاد», «جەر اڭساعاي سارى اتان», «سامىرسىن سازى» جانە «اڭگىمە ەمەس اڭگىمەلەر» اتتى بىرنەشە اڭگىمەلەر مەن پوۆەستەر جيناعىنىڭ اۆتورى. شىعارمالارى وزبەك, قىرعىز, قىتاي, موڭعول, ورىس, ۋكراين جانە ماري تىلدەرىنە اۋدارىلعان. سونداي-اق, جازۋشىنىڭ ءوزى دە وزگە ۇلتتىڭ بەلگىلى قالامگەرلەرىنىڭ ەڭبەكتەرىن قازاق تىلىنە اۋداردى.
ەلامان قوڭىر.
دەرەك: egemen.kz.
سۋرەت: facebook.com.