قوستاناي. 1 قىركۇيەك. قوستانايداعى تاجىريبەلى ءپاراشيۋتشى قىز ەۆگەنيا كۋكەتا تاتارستاندا قازا تاپتى. بۇل تۋرالى egemen.kz ءتىلشىسى حابارلادى.
باقىتسىز جاعداي "مەنزەلينسك" اەروكلۋبىندا ورىن الدى. 38 جاسار ءپاراشيۋتشى ەۆگەنيا كۋكەتا تاجىريبەلى سپورتشى بولاتىن. ول سول كۇنى 4 مىڭ مەترلىك بيىكتىكتەن سەكىردى. ءپاراشيۋتشىنى دايىنداعان اەروكلۋب قىزمەتكەرلەرىنىڭ ايتۋىنا قاراعاندا, ول ۇشقانعا دەيىن ەشقانداي بوگدە جاعداي ورىن الماعان. قوستانايلىق سپورتشى بارلىعىن دا نۇسقاۋ بويىنشا ورىنداعان, تومەنگە قۇلديلاعان كەزدە پاراشيۋت اشىلعان. الايدا سپورتشى اسپاندا پاراشيۋت اشىلعاننان كەيىن ءبىر مينۋتتان سوڭ ەسىنەن تانىپ قالعان, ءپاراشيۋتتى باسقارا الماعان. ول پاراشيۋت جەرگە جاقىنداعاندا عانا ەسىن جيعان, بىراق باسقارعانمەن بارلىعى دا كەش ەدى. ول جەرگە قاتتى قۇلاپ تۇسەدى دە, اۋىر جاراقات الادى. اۋرۋحاناداعى جان ساقتاۋ بولىمىنە تۇسكەن سوڭ ءبىر تاۋلاىكتەن كەيىن ەسىن جيماستان قايتىس بولادى.
وسى ءىس بويىنشا تاتارستاندا قىلمىستىق ءىس قوزعالعان.
ءنازيرا جارىمبەتوۆا.
دەرەك, سۋرەت: nd.kz