استانا. 6 شىلدە. كەشە فۋتبولدان قازاقستان پرەمەر-ليگاسىنىڭ 19-تۋرى اياقتالدى. تۋر اياسىندا كوش باسىنداعى كوماندالاردىڭ بارلىعى جەڭىسكە جەتتى. سىرت الاڭدا «شاحتەرمەن» كەزدەسكەن «قايرات» قارسىلاستارىنىڭ قاقپاسىنا جاۋاپسىز 5 گول سوعىپ, تاريحىنداعى كەزەكتى ءىرى ەسەپتى تىركەدى. بۇل تۋرالى egemen.kz حابارلادى.
جالپى, بۇل تۋردا اسا تارتىستى وتكەن ويىن رەتىندە «اقتوبە» مەن «وقجەتپەس» اراسىنداعى ماتچتى ايتۋعا بولادى. اقتوبەلىكتەر ءوز الاڭىندا ويناعانىنا قاراماستان, كەي ساتتەردە وسالدىق تانىتىپ جاتتى. ناتيجەسىندە قوناقتار 20-مينۋتتا گول سوعىپ, ەسەپ اشتى. گولدىڭ اۆتورى – رۋسلان ساحالباەۆ. الاڭ يەلەرى تارازى باسىن تەڭەستىرۋ مۇمكىندىگىن تەك ەكىنشى تايمدا عانا تاپتى. وسى رەتتە «اقتوبەنىڭ» ەكىنشى تايمدا عانا ءوز ويىن ورنەگىن تاپقانىن ايتا كەتەيىك. جۇيەلى شابۋىلدار مەن مىعىم قورعانىس كوماندانىڭ سوڭعى مينۋتقا دەيىن 4 دوپ سوعۋىنا مۇمكىندىك بەردى. ال قارسىلاستار تاعى ءبىر مارتە كوزگە تۇسكەندەرىمەن, ودان ارىگە شامالارى جەتپەدى. ويىن سوڭىندا تابلوداعى كورسەتكىش «اقتوبەنىڭ» پايداسىنا 4:2 ەسەبىن كورسەتىپ تۇردى.
«تاراز» (تاراز) – «جەتىسۋ» (تالدىقورعان) 2:0 (0:0)
گولدار: سۋلەي 61, پيششۋر 84 (2:0).
«استانا» (استانا) – «قايسار» (قىزىلوردا) 2:0 (1:0)
گولدار: روزىباقيەۆ 26 اۆتوگول, نوسەرباەۆ 48 (2:0).
«اتىراۋ» (اتىراۋ) – «ەرتىس» (پاۆلودار) 0:0
«شاحتەر» (قاراعاندى) – «قايرات» (الماتى) 0:5 (0:2)
گولدار: سەرجيو 6 پەنالتي, ريەرا 13, 59, سيسەي 72, كوكەەۆ 83.
«ورداباسى» (شىمكەنت) – «توبىل» (قوستاناي) 2:0 (1:0)
گولدار: مالىي 45+2, ا.نۇرعاليەۆ 67.
«اقتوبە» (اقتوبە) – «وقجەتپەس» (كوكشەتاۋ) 4:2 (0:1)
گولدار: كوروبكين 48, حيجنيچەنكو 50, 64, 84 – ساحالباەۆ 20, روتكوۆيچ 67.
6 شىلدەگە دەيىنگى ناتيجەلەر بويىنشا تۋرنير كەستەسى
ۇزدىك مەرگەندەر:
جەرار گوۋ («قايرات») – 18 گول;
لۋكا روتكوۆيچ («وقجەتپەس») – 8 گول;
دۋشان ساۆيچ («جەتىسۋ»), سەرگەي حيجنيچەنكو («اقتوبە») – 7 گول.
20-تۋر ويىندارى 11-12 شىلدەدە وينالادى. اتالعان تۋرداعى قارسىلاستار تومەندەگىدەي:
«توبىل» – «استانا»
«وقجەتپەس» – «تاراز»
«شاحتەر» – «اتىراۋ»
«قايرات» – «قايسار»
«ەرتىس» – «اقتوبە»
«جەتىسۋ» – «ورداباسى».
ەلامان قوڭىر.
دەرەك: egemen.kz.
سۋرەت: vk.com, fca.kz.