قوستاناي. 1 قىركۇيەك. قوستاناي قالاسىندا كۇزدىڭ العاشقى جارمەڭكەسى ءوتتى. ول قالانىڭ ورتالىعىندا جانە تاعى دا ەكى شاعىن اۋداندا ۇيىمداستىرىلدى. بۇل تۋرالى egemen.kz ءتىلشىسى حابارلادى.
جارمەڭكەگە وبلىستىڭ 16 اۋدانىنان ديقاندار مەن شارۋالار ەت, كارتوپ, كوكونىس, ءسۇت جانە ءسۇت ونىمدەرىن, بال اكەلدى. سونىمەن قاتار قالالارداعى, قوستاناي قالاسىنىڭ وزىندەگى وڭدەۋ كاسىپورىندارى مەن ساۋدا ورىندارى دا اتسالىستى.
بيىلعى كۇزدىڭ العاشقى جارمەڭكەسىندە 25 توننا ەت, 45 توننا كارتوپ پەن كوكونىس, 4 توننا وسىمدىك مايى, 17 توننا قانت پەن جارما جەتكىزىلدى. سونىمەن قاتار, قالالىقتار بالىق, قۇس ەتى, جۇمىرتقا سەكىلدى باسقا دا ازىق-ت ۇلىك تۇرلەرىن جارمەڭكەدەن تاپتى. ونىڭ باعاسى دا قوستانايلىقتارعا بۇيىردەن قىسقان داعدارىس سالقىنىن بىلدىرمەدى.
قوستاناي قالالىق اكىمدىگى اۋىل شارۋاشىلىعى ءبولىمىنىڭ باسشىسى عيزات قالەنوۆ: «جارمەڭكەگە تۇسكەن ازىق-ت ۇلىكتەر باعاسى بازارداعىدان 20-30 پايىزداي ارزان بولدى. مىسالى, سيىر ەتى بازاردا 1200-1300 تەڭگە تۇرادى, ال جارمەڭكەدە قالالىقتار ونىڭ كەلىسىن 800-900 تەڭگەدەن الدى. باسقا ازىق-ت ۇلىك تۇرلەرى ءۇشىن دە ارزان باعا بەلگىلەندى», دەدى.
الداعى ۋاقىتتا جارمەڭكە وبلىس ورتالىعىندا ىرعاقتى ءوتىپ تۇراتىن بولادى. وندا ازىق-ت ۇلىك تۇرلەرى دە, كولەمى دە كوبەيە تۇسەدى.
ءنازيرا جارىمبەتوۆا.
دەرەك, سۋرەت: egemen.kz