قوستاناي. 1 قىركۇيەك. قوستانايداعى دوستىق ۇيىندە كونستيتۋتسيانىڭ 20 جىلدىعى مەن قازاقستان حالقى اسسامبلەياسىنىڭ 20 جىلدىق مەرەكەسىنە ارنالعان «بىرلىك ءتۇنى» ءوتتى. وندا ەتنومادەني ورتالىقتاردىڭ بارلىعى كەلۋشىلەرگە ەسىگىن ايقارا اشتى, داستارحان جايىپ, قوناقجايلىلىق ءبىلدىردى. بۇل تۋرالى egemen.kz ءتىلشىسى حابارلادى.
دوستىق ءۇيىنىڭ تابالدىرىعىندا ۇلتتىق كوستيۋم كيگەن قىز بەن جىگىت كەلۋشىلەردى قارسى الدى. كيىز ۇيدە داستارحان جايۋلى تۇردى. ال زالدا ميكروفون قويىلدى, وعان ءار قوستانايلىق بارىپ, قوستانايلىقتاردى مەرەكەمەن قۇتتىقتاپ, ءوزىنىڭ ىزگى تىلەگىن بىلدىرە الادى. كەلۋشىلەرگە ەتنومادەني ورتالىقتارعا كىرىپ شىعۋ قىزىقتى بولدى, ولار ۇلتتىق داستارحاننان اۋىز ءتيىپ, دياسپوراسى قازاقستاندا تۇرىپ جاتقان سول ۇلتتىڭ تاريحى مەن ءداستۇرى تۋرالى ۆيكتورينالارعا جاۋاپ بەرگەندەردى سىيلىقتار كۇتىپ تۇردى.
ازەربايجان ەتنوورتالىعىنىڭ «بىرلىك» جاستار قاناتىنىڭ بەلسەندىسى ءزۇلفيا نابيەۆا: «ازەربايجاندار بارلىق ءتاتتى تاعامدى بالعا وراپ جاسايدى, ال ۇلتتىق تاعامى – پالاۋ. پالاۋدى تويلاردا تارتادى, تاباقتىڭ ۇستىنە كەسەگە سپيرت قۇيىپ, ونى تۇتاتادى. بۇل وتتىڭ نىشانى», دەدى. دوستىق ۇيىندەگى بارلىق ۇلتتىق ورتالىقتار وزدەرى تۋرالى كەلۋشىلەرگە اقپارات بەرۋگە تىرىستى. جۇرتتىڭ ول تۋرالى بىلگىسى كەلدى.
قالا تۇرعىنى ماقپال سەيداحمەتوۆا: «ءبىز بارلىق ەتنگومادەني ورتالىقتاردا بولدىق. كوپتەگەن سۇراقتارعا جاۋاپ بەرىپ, سىيلىق الدىق. ەڭ باستىسى كوپ نارسە بىلدىك, كوڭىلىمىز بايىپ قالدى», دەدى.
ءنازيرا جارىمبەتوۆا.
دەرەك, سۋرەت: egemen.kz