استانا. 18 قازان. بۇگىن شۆەيتساريانىڭ نون قالاسىنداعى ۋەفا-نىڭ شتاب-پاتەرىندە فۋتبولدان 2016 جىلعى ەۋروپا چەمپيوناتىنا ىرىكتەۋ ءتۋرنيرى پلەي-وفف باسەكەسىنىڭ جەرەبەسى تارتىلدى. بۇل تۋرالى egemen.kz حابارلادى.
اتالعان شاراعا ىرىكتەۋ تۋرنيرىندە ءوز توبىندا ءۇشىنشى ورىن العان 8 قۇراما قاتىستى. سونىمەن قۇرلىق بىرىنشىلىگىنە بەرىلەر قالعان ءتورت جولدامانى مىنا جۇپتار ساراپقا سالادى:
ۋكراينا – سلوۆەنيا
شۆەتسيا – دانيا
بوسنيا جانە گەرتسەگوۆينا – يرلانديا
نورۆەگيا – ۆەنگريا.
بۇل كوماندالار اراسىنداعى العاشقى ويىن 12-14 قاراشادا وينالسا, قارىمتا كەزدەسۋ 15-17 قاراشاعا جوسپارلانعان. ەكى ماتچ قورىتىندىسى بويىنشا جەڭىسكە جەتكەن قۇرامالار كەلەسى جىلى فرانتسيادا وتەتىن دوپ دوداسىنا جولداما الادى.
اتالعان ەۋروپا چەمپيوناتى 2016 جىلدىڭ 10 ماۋسىمى مەن 10 شىلدەسى ارالىعىندا فرانتسيانىڭ ون قالاسىندا وتەدى. فينالدىق كەزەڭنىڭ جەرەبەسى 12 جەلتوقساندا پاريجدە تارتىلادى. قاتىسۋشى 24 قۇراما ءتورت-تورتتەن التى توپقا بولىنەدى. ءار توپتان ۇزدىك ەكى كوماندا پلەي-وفف باسەكەسىنە جولداما الادى. سونداي-اق, ءۇشىنشى ورىن العان قۇرامالاردىڭ ىشىنەن جوعارى كورسەتكىشكە يە ءتورت كوماندا دا جارىستى جالعاستىرادى.
ەلامان قوڭىر.
دەرەك: egemen.kz.
سۋرەت: smotrisport.tv.