استانا. 1 قىركۇيەك. مەملەكەت باسشىسى قىتاي حالىق رەسپۋبليكاسىنا مەملەكەتتىك ساپارى اياسىندا جەرگىلىكتى ىسكەر جانە قارجىلىق توپتار وكىلدەرىمەن كەزدەستى. بۇل تۋرالى akorda.kz حابارلادى.
ءىس-شاراعا «حۋاۆەي» كورپوراتسياسى باسقارماسىنىڭ توراعاسى سۋن يافان, «تسينحۋا» كورپوراتسياسى باسقارماسىنىڭ توراعاسى حو تسينحۋا, ازيا ينفراقۇرىلىمدىق ينۆەستيتسيالار بانكىنىڭ كوپجاقتى ۋاقىتشا حاتشىلىعىنىڭ باس حاتشىسى تسزين ليتسيۋن, «سيتيك گرۋپپ» كورپوراتسياسى ديرەكتورلار كەڭەسىنىڭ توراعاسى چان چجەنمين, قىتاي مەملەكەتتىك دامۋ بانكىنىڭ پرەزيدەنتى چجەن چجيتسزە جانە قىتايدىڭ باسقا دا جەتەكشى كومپانيالارىنىڭ باسشىلارى قاتىستى.
كەزدەسۋ بارىسىندا پرەزيدەنت مۇنداي كەزدەسۋلەر مەن پىكىرلەسۋلەر ەكىجاقتى قارىم-قاتىناستى ودان ءارى دامىتۋ ءۇشىن قاجەت ەكەنىن ايتتى.
«بۇل ساپاردى قازاقستان-قىتاي بايلانىستارىنداعى بەتبۇرىستى كەزەڭ دەپ سانايمىن. ءبىز قىتايمەن نەگىزىنەن ەنەرگەتيكا جانە رەسۋرس ءوندىرۋ سالالارىندا 20 جىلدان استام بەلسەنە ىنتىماقتاسىپ كەلدىك. ەندى جاڭا كەزەڭدە ەكونوميكانىڭ وڭدەۋ, سونىمەن بىرگە ماشينا جاساۋ جانە رەسۋرستى قايتا وڭدەۋ سەكتورلارىنداعى ءوزارا ءىس-قيمىلدى كۇشەيتۋگە كىرىسەمىز. كەشە قحر توراعاسى سي تسزينپينمەن وتكەن سىندارلى كەلىسسوزدەر بارىسىندا 45 بىرلەسكەن نىسان اشۋ جونىندە ۋاعدالاستىق. سونىڭ 25-ءى بويىنشا جالپى قۇنى 23 ميلليارد دوللاردىڭ كەلىسىمىنە قول قويىلدى, – دەدى نۇرسۇلتان نازارباەۆ.
ايدار ورىسباەۆ.
دەرەك, سۋرەت: akorda.kz.