بايقوڭىر. 1 قىركۇيەك. ايدىن ايىمبەتوۆ عارىشقا قازاق حاندىعىنىڭ 550-جىلدىعىنا, قازاقستان حالقى اسسامبلەياسىنىڭ 20-جىلدىعىنا ارنالعان تۋلار مەن ەلىمىزدىڭ كوك بايراعىن الىپ ۇشادى. بۇل تۋرالى egemen.kz ءتىلشىسى حابارلادى. «بيىل قازاق حاندىعىنىڭ قۇرىلعانىنا 550 جىل تولادى. ەلىمىزدەگى ۇلتارالىق تاتۋلىق پەن بەيبىتشىلىكتى ساقتاۋدا نەگىزگى ۇيىم بولىپ سانالاتىن قازاقستان حالقى اسسامبلەياسىنا 20 جىل, سونداي-اق كونستيتۋتسيانىڭ قابىلدانعانىنا دا 20 جىل تولىپ وتىر. وسى ورايدا, مەن مەرەيلى مەرەكەلەرگە بايلانىستى قازاق حاندىعىنىڭ 550-جىلدىعى مەن اسسامبلەيانىڭ 20-جىلدىعىنا ارنالعان تۋلاردى جانە ەلىمىزدىڭ كوك بايراعىن عارىشقا الىپ ۇشپاقشىمىن, – دەدى عارىشكەر. سونىمەن قاتار, ايدىننىڭ كەنجە قىزى دايانا اكەسىنە ءوزى جاقسى كورەتىن ويىنشىعىن تارتۋ ەتكەن. ء«وزىم وتە قاتتى جاقسى كورەتىن ويىنشىعىمدى اكەمە سىيلادىم. عارىش ساپارىنا امان-ەسەن بارىپ كەلۋىن تىلەيمىن. بولاشاقتا مەن دە عارىشكەر بولسام دەپ ارماندايمىن», – دەيدى دايانا. ەرجان بايتىلەس. دەرەك: egemen.kz. سۋرەت: nur.kz.