سىرتقى ىستەر ءمينيسترى ەرلان ىدىرىسوۆ استانا ەكونوميكالىق فورۋمى اياسىندا وتكەن بۇكىلالەمدىك ازىق-ت ۇلىك قاۋىپسىزدىگىن نىعايتۋ جونىندەگى پانەلدىك سەسسياعا قاتىسۋ ءۇشىن ساپارمەن كەلگەن بۇۇ ازىق-ت ۇلىك جانە اۋىلشارۋاشىلىق ۇيىمىنىڭ (فاو) باس ديرەكتورى جوزە گراتسيانو دا سيلۆامەن كەزدەستى.
كەزدەسۋدە قازاقستان مەن فاو اراسىنداعى ءوزارا ىقپالداستىقتىڭ قازىرگى جاعدايى مەن بولاشاعى تالقىلاندى.
ە. ىدىرىسوۆ قازاقستاندا بايلانىس جونىندەگى فاو ءوفيسىن اشۋ تۋرالى كەلىسىمگە قول قويىلۋىن قولداپ, ۇيىم وكىلدىگىنىڭ بۇرىنعى سەمەي سىناق پوليگونى مەن ارال تەڭىزى اۋماعىنداعى جەرلەردى رەكۋلتيۆاتسيالاۋ ماسەلەسىنە بەلسەندى نازار اۋدارادى دەپ سەنىمىن ءبىلدىردى.
سونىمەن قاتار, مينيستر قازاقستان ۇكىمەتى فاو بۇكىلالەمدىك ازىق-ت ۇلىك قاۋىپسىزدىگى جونىندەگى كوميتەتىنە تۇراقتى مۇشە رەتىندە كىرۋ تۋرالى شەشىم قابىلداعانىن حابارلادى. بۇل ءبىزدىڭ ەلىمىزگە ازىق-ت ۇلىك قاۋىپسىزدىگى سالاسىنا قاتىستى ساياساتتا ءتيىستى شارالاردى قاراستىرۋ مەن قابىلداۋدا قاتىسۋعا مۇمكىندىك بەرەتىن بولادى.
سىرتقى ساياسات ۆەدومستۆوسىنىڭ باسشىسى فاو-نى استانادا وتەتىن ەكسپو-2017 حالىقارالىق مامانداندىرىلعان كورمەسىنە قاتىسۋعا شاقىرىپ, كورمەنىڭ «بولاشاق ەنەرگياسى» ۇرانى ۇيىمنىڭ عالامنىڭ ەكولوگيالىق قاۋىپسىزدىگىن ساقتاۋ مەن نىعايتۋ جونىندەگى مۇراتتارىمەن ۇيلەسەتىنىن اتاپ ءوتتى.
«ەگەمەن-اقپارات».