تاۋەلسىزدىك سارايىندا وتكەن قازاقستان كونستيتۋتسياسىنىڭ 20 جىلدىعىنا ارنالعان «كونستيتۋتسيا: بىرلىك, تۇراقتىلىق, وركەندەۋ» تاقىرىبىنداعى حالىقارالىق عىلىمي-تاجىريبەلىك كونفەرەنتسيا قورىتىندىلانعان سوڭ, وعان قاتىسۋشى مەملەكەت, قوعام قايراتكەرلەرى مەن عالىمدار, شەتەلدىك قوناقتار بەيبىتشىلىك جانە كەلىسىم سارايىنا بەت الدى.
مۇندا مادەنيەت جانە سپورت مينيسترلىگى ۇيىمداستىرعان كونتسەرت ءوز تىڭداۋشىلارى مەن كورەرمەندەرىن كۇتىپ تۇرعان ەدى. ونى ەلباسى نۇرسۇلتان نازارباەۆ سەربيا رەسپۋبليكاسىنىڭ پرەزيدەنتى توميسلاۆ نيكوليچپەن بىرگە تاماشالادى.
كەش كونستيتۋتسياعا ارنالعان ارنايى بەينەروليكپەن اشىلدى. ودان ءارى «ماڭگىلىك ەل» دەپ اتالاتىن پوەتيكالىق كومپوزيتسيا ورىندالىپ, مادەني شارا جالعاسى «سلاۆيانسكي بازار-2015» XXIV حالىقارالىق ەسترادا اندەرىن ورىنداۋشىلار كونكۋرسىنىڭ گران-پري يەگەرى ديماش قۇدايبەرگەنوۆتىڭ «دايديداۋ» انىمەن تولىقتى. سونداي-اق, كونتسەرتتە «استانا بالەت» مەملەكەتتىك بي تەاترىنىڭ بيشىلەرى مەن انشىلەر مەدەت چوتاباەۆ, ارداق بالاجانوۆا, ەۆگەني چاينيكوۆ جاقسى ونەر كورسەتتى.
ەلميرا ماتىباەۆا,
«ەگەمەن قازاقستان».