قاراعاندى. 19 قازان. قاراعاندى وبلىسىنداعى نۇرا اۋدانىندا تابيعات قورعاۋ پوليتسياسىنىڭ قىزمەتكەرلەرى مەن «وحوتزووپروم» مەكەمەسىنىڭ ينسپەكتورلارى بىرىگىپ جۇرگىزگەن رەيد ناتيجەسىندە كيىك ءمۇيىزىنىڭ ءىرى كولمەدەگى پارتياسى تاركىلەندى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
«براكونەر» دەپ اتالعان جەدەل-ساۋىقتىرۋ شاراسى بارىسىندا پوليتسيا قىزمەتكەرلەرى بارشىن اۋىلىنىڭ ماڭىندا كۇدىك تۋدىرعان «اۋدي» اۆتوكولىگىن توقتاتىپ, ءتىنتۋ جۇرگىزگەن. تەكسەرۋ بارىسىندا اقمولا وبلىسىنىڭ تۇرعىنى تىزگىندەگەن اۆتوكولىكتىڭ جۇك سالعىشىنان 12-كاليبرلى اڭشى مىلتىعى, كيىكتىڭ 38 دانا ءمۇيىزى جانە سويىلعان ءۇش اقبوكەن تابىلدى.
قازىرگى تاڭدا ءتيىستى ساراپتاما شارالارى تاعايىندالىپ, سوتقا دەيىنگى تەرگەۋ امالدارى جۇرىزىلۋدە.
قايرات ءابىلدينوۆ.
دەرەك, سۋرەت: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.