استانا. 18 قازان. بۇگىن فۋتبولدان قازاقستان پرەمەر-ليگاسىنىڭ 29-تۋرى اياقتالدى. بۇل تۋرالى egemen.kz حابارلادى.
كەشە چەمپيوندىق اتاق پەن جۇلدەلى ورىندارعا تالاسىپ جاتقان العاشقى التىلىقتىڭ ويىندارى وينالعان بولاتىن. ول كەزدەسۋلەردىڭ ناتيجەلەرىن مىنا سىلتەمە ارقىلى بىلە الاسىزدار. ال بۇگىن پرەمەر-ليگادا قالۋ ءۇشىن جانتالاسىپ جاتقان ەكىنشى التىلىقتاعى كوماندالار الاڭعا شىقتى.
ماۋسىم بويىنا سوڭعى ورىنداردان كوتەرىلە الماي كەلە جاتقان قاراعاندىنىڭ «شاحتەرى» بۇل تۋردا تالدىقورعانعا قوناققا بارىپ, جەرگىلىكتى «جەتىسۋمەن» سىنعا ءتۇستى. تارتىستى ويىن ناتيجەسىندە «كەنشىلەر» 1:0 ەسەبىمەن جەڭىسكە جەتىپ, ماڭىزدى ءۇش ۇپايعا قول جەتكىزدى. وسىلايشا, «شاحتەر» تۋرنير كەستەسىندە 10-ورىنعا كوتەرىلىپ, پرەمەر-ليگادا قالۋ مۇمكىندىگىن ساقتاپ قالدى.
ال بۇل التىلىقتا كوش باستاپ كەلە جاتقان «توبىل» ءوز الاڭىندا «قايسارمەن» تەڭ ويناسا, كوكشەتاۋدا وتكەن جەرگىلىكتى «وقجەتپەس» پەن «تاراز» اراسىنداعى كەزدەسۋدە دە جەڭىمپاز انىقتالمادى. قوس ماتچتا دا ەسەپ اشىلعان جوق.
«جەتىسۋ» (تالدىقورعان) – «شاحتەر» (قاراعاندى) 0:1 (0:0)
گول: اندرەي كارپوۆيچ 78.
«وقجەتپەس» (كوكشەتاۋ) – «تاراز» (تاراز) 0:0
«توبىل» (قوستاناي) – «قايسار» (قىزىلوردا) 0:0
29-تۋر ويىندارىنىڭ قورىتىندىسى بويىنشا تۋرنير كەستەسى
ۇزدىك مەرگەندەر:
جەرار گوۋ («قايرات») – 22 گول;
لۋكا روتكوۆيچ («وقجەتپەس») – 13 گول;
دۋشان ساۆيچ («جەتىسۋ»), دجوردجە دەسپوتوۆيچ («قايرات») – 10 گول.
30-تۋر ويىندارى 24-25 قازان كۇندەرى وينالادى. اتالعان تۋرداعى قارسىلاستار تومەندەگىدەي:
«اتىراۋ» – «اقتوبە»
«قايسار» – «شاحتەر»
«وقجەتپەس» – «جەتىسۋ»
«تاراز» – «توبىل»
«ەرتىس» – «ورداباسى»
«قايرات» – «استانا».
ەلامان قوڭىر.
دەرەك: egemen.kz.
سۋرەت: vk.com.