قۇرمەتتى وتانداستار!
قازاقستان حالقى اسسامبلەياسى سىزدەردى قازاقستان رەسپۋبليكاسى كونستيتۋتسياسىنىڭ 20 جىلدىق مەرەيتويىمەن قۇتتىقتايدى. ەلىمىزدىڭ جاسامپاز جاڭا ءداۋىرىنىڭ باستالۋىنا نەگىز بولعان اتا زاڭىمىزدىڭ قابىلدانۋى شىن مانىندە تاريحي ماڭىزى زور قادام.
1995 جىل – قازاقستان ءۇشىن تۇبەگەيلى وزگەرىستەر جىلى بولدى. اسسامبلەيانىڭ قۇرىلۋى جانە ونىڭ باستاماشىلىعىمەن وتكەن بۇكىلحالىقتىق رەفەرەندۋمدا كونستيتۋتسيانىڭ قابىلدانۋى ازاماتتىق قوعام مەن مەملەكەت دامۋىنىڭ ەۆوليۋتسيالىق جولىن ايقىنداپ بەردى.
بۇدان 20 جىل بۇرىن ءبىز مەملەكەتىمىزدىڭ نىعايۋىنا, ءبىرتۇتاس ەلىمىزدىڭ ءوسىپ-وركەندەۋىنە, ەلباسى ن.ءا.نازارباەۆتىڭ قوعامدىق كەلىسىم جانە ەل بىرلىگى ۇلگىسىنىڭ قالىپتاسۋىنا نەگىز قالادىق.
بۇگىن ءبىز تەڭ قۇقىقتار مەن تەڭ مۇمكىندىكتەرگە يە حالىقپىز, بەيبىتشىلىك پەن كەلىسىم اياسىندا ءومىر سۇرۋدەمىز. ءبىزدىڭ ەلىمىز تۇراقتىلىق پەن تاتۋلىقتىڭ ۇلگىسىنە اينالدى. ءبىز باستى ماقساتىمىزعا قول جەتكىزدىك – كوپەتنوستى حالقىمىز قازاقستاننىڭ ستراتەگيالىق رەسۋرسى – ءبىرتۇتاس ەل بولىپ قالىپتاستى.
بىرلىگىمىزدى بەكەمدەپ, كونستيتۋتسيا قاعيدالارىنا بەرىكتىكتى نەگىزگە الا وتىرىپ, ءبىز اۋقىمى بويىنشا تەڭدەسسىز «بارشاعا ارنالعان زاماناۋي مەملەكەت» 100 ناقتى قادام ۇلت جوسپارىن ىسكە اسىرۋعا كىرىستىك. بۇگىن ءبىزدىڭ ورتاق مىندەتىمىز – اتا زاڭعا سۇيەنە وتىرىپ, العا قويعان ماقساتتاردى جۇزەگە اسىرۋ, ەلىمىزدىڭ تۇراقتى دامۋى مەن ونىڭ ءار ازاماتىنىڭ ءال-اۋقاتىن ارتتىرۋعا ءتيىمدى قول جەتكىزۋ.
قادىرلى وتانداستار!
كونستيتۋتسيا كۇنى – بارشا قازاقستاندىقتاردىڭ مەرەكەسى. اتا زاڭنىڭ 20 جىلدىعى – قازاقستان حالقىنىڭ ومىرىندەگى ەلەۋلى وقيعا. بۇل مەرەيتويدىڭ قازاقستان حالقى اسسامبلەياسىنىڭ جىلى ءوتۋى ەرەكشە قۋانىشتى.
وسى جىل, وسى مەرەيتوي قازاقستان حالقىنىڭ بىرلىگى مەن ءوسىپ-وركەندەۋىنىڭ جارقىن كورىنىسى رەتىندە ەل ەسىندە ساقتالسىن!
كونستيتۋتسيا كۇنى قۇتتى بولسىن, قىمباتتى جەرلەستەر! سىزدەرگە مىقتى دەنساۋلىق, ەلىمىزدىڭ وركەندەۋى جولىندا جاڭا تابىستار تىلەيمىز! ۇيلەرىڭىزدە ارقاشان بەرەكە-بىرلىك, يگىلىك پەن مولشىلىق بولسىن!
قازاقستان حالقى اسسامبلەياسىنىڭ كەڭەسى.