كەشە تاۋەلسىزدىك سارايىندا قازاقستان رەسپۋبليكاسى جوعارعى سوتىنىڭ توراعاسى قايرات ءمامي دۋباي حالىقارالىق قارجى ورتالىعىنىڭ باس سۋدياسى مايكل حۆانمەن كەزدەستى. ءىس-شارا ەلىمىزدىڭ اتا زاڭىنىڭ 20 جىلدىق مەرەيتويى قارساڭىندا كونستيتۋتسيالىق كەڭەس وتكىزىپ وتىرعان «كونستيتۋتسيا: حالىق بىرلىگى, تۇراقتىلىق, وركەندەۋ» اتتى حالىقارالىق-تاجىريبەلىك كونفەرەنتسيا شەڭبەرىندە ۇيىمداستىرىلدى.
اڭگىمەلەسۋ كەزىندە تاراپتار بۇل كەزدەسۋ ەكى ەلدىڭ سوت جۇيەسى اراسىنداعى ىنتىماقتاستىقتى جاڭا ساپالى دەڭگەيگە كوتەرۋدە ماڭىزدى ەكەنىن اتاپ ءوتتى.
كەزدەسۋ بارىسىندا ق.ءمامي مارتەبەلى قوناقتى مەملەكەت باسشىسىنىڭ باستاماسى بويىنشا الداعى ۋاقىتتا جۇزەگە اسىرىلاتىن «100 ناقتى قادام – بارشاعا ارنالعان قازىرگى زامانعى مەملەكەت» اتتى ۇلت جوسپارى شەڭبەرىندە سوت جۇيەسىن رەفورمالاۋ جايىنان حاباردار ەتتى. اتاپ ايتقاندا, استانا قالاسىندا حالىقارالىق اربيتراجدىق ورتالىق قۇرۋ ماسەلەسىنە ايرىقشا توقتالدى.
ءىس-شارا قورىتىندىسىندا تاراپتار قازاقستان رەسپۋبليكاسىنىڭ جوعارعى سوتى مەن دۋباي حالىقارالىق قارجى ورتالىعى اراسىنداعى ىنتىماقتاستىق اياسىن ودان ءارى كەڭەيتۋ تۋرالى ۋاعدالاستى, دەپ حابارلايدى جوعارعى سوتتىڭ ءباسپاسوز قىزمەتى.