قىزىلوردا. 19 قازان. قىزىلوردا وبلىسىندا «براكونەر» جەدەل-پروفيلاكتيكالىق ءىس-شاراسى وتۋدە. 5 قازاندا باستالعان شارا وسى ايدىڭ 25-ىندە اياقتالادى. بۇل تۋرالى egemen.kz حابارلادى.
وسىعان وراي بارلىعى 34 موبيلدىك توپ قۇرىلىپ, 324 كۇش-قۇرالدار جۇمىلدىرىلدى. شارانىڭ 10 كۇنىندە وبلىس بويىنشا بارلىعى 120 ەكولوگيالىق زاڭ بۇزۋشىلىق انىقتالدى. ونىڭ ىشىندە, زاڭسىز اعاشتار مەن بۇتالاردى كەسۋدىڭ – 7, زاڭسىز اڭ اۋلاۋدىڭ – 49, زاڭسىز بالىق اۋلاۋدىڭ – 32, ازاماتتىق قارۋدى تاسىمالداۋ, ساقتاۋ ەرەجەسىن بۇزۋدىڭ – 32 دەرەگى تىركەلدى. انىقتالعان 110 اكىمشىلىك قۇقىق بۇزۋشىلىق دەرەگى بويىنشا 733 مىڭ 880 تەڭگە كولەمىندە ايىپپۇلدار سالىندى.
زاڭسىز اڭ, بالىق اۋلاۋمەن جانە زاڭسىز بۇتالار مەن اعاشتاردى كەسۋمەن ۇستالعان 14 اۆتوكولىك تاركىلەنىپ, ايىپ الاڭدارىنا جەتكىزىلدى. اتالعان مەرزىمدە بارلىعى 11 قىلمىستىق ءىس قوزعالىپ, 1 قىلمىستىق ءىس سوتقا جولدانىپ, قالعان 10-ى بويىنشا سوتقا دەيىنگى تەرگەپ-تەكسەرۋ امالدارى جۇرگىزىلۋدە.
ەرجان بايتىلەس.
دەرەك, سۋرەت: egemen.kz.