تاراز. 19 قازان. تاراز قالاسىندا قازاق حاندىعىنىڭ 550 جىلدىعىنا ارنالعان دەنە مۇمكىندىگى شەكتەۋلى جاندار اراسىندا سپارتاكيادا ءوتتى. بۇل تۋرالى egemen.kz ءتىلشىسى حابارلادى.
سپارتاكيادانىڭ باستى ماقساتى – مۇمكىندىگى شەكتەۋلى ازاماتتار اراسىندا سالاۋاتتى ءومىر سالتىن قالىپتاستىرۋ جانە جۇيەلى تۇردە سپورتپەن شۇعىلدانۋعا تارتۋ, بۇقارالىق سپورت تۇرلەرىن دامىتۋ, پاراليمپيالىق, پاراليمپيالىق ەمەس جانە سۋردليمپيالىق سپورت تۇرلەرىن دامىتۋ بولدى.
جارىسقا جامبىل وبلىسى اكىمدىگىنىڭ دەنە شىنىقتىرۋ سپورت باسقارماسى باسشىلىق ەتىپ, «بولاشاق مەكتەبى», «دوس-تاراز», №1 قارتتار مەن مۇگەدەكتەرگە ارنالعان ينتەرنات ءۇيى, №2 قارتتار مەن مۇگەدەكتەرگە ارنالعان ينتەرنات ءۇيى, «اقىل- ەسى كەم بالالارعا ارنالعان ينتەرنات ءۇيى» «سپەشيال وليمپيكس», «جامبىل وبلىستىق مۇگەدەك بالالاردى وڭالتۋ جانە بەيىمدەۋ ورتالىعى», «جاستار قوعامى», «سوقىرلار قوعامى», «اقىل- ويى دامۋىندا كەمىستىگى بار بالالارعا ارنالعان ارنايى مەكتەپ-ينتەرناتىنىڭ تاربيەلەنۋشىلەرى, باس-اياعى 143-كە جۋىق ازامات قاتىستى.
سپارتاكيادا جەڭىمپازدارى مەن جۇلدەگەرلەرى تاراز قالاسى اكىمدىگىنىڭ دەنە شىقتىرۋ جانە سپورت ءبولىمىنىڭ مەدالدارىمەن جانە «تاراز قالالىق مۇگەدەكتەر قوعامى» قوعامدىق بىرلەستىگى تاراپىنان ەستەلىك سىيلىقتارىمەن ماراپاتتالدى.
باس دەمەۋشى Kcell اق بىرلەستىگى ءار جەڭىمپاز بەن جۇلدەلى ورىن يەلەنگەن ازاماتتارعا ءبىر ۇيالى تەلەفوننان سىيعا تارتتى.
ورالحان ءداۋىت.
دەرەك, سۋرەت: egemen.kz.