ءبىزدىڭ قازىرگى قولدانىستاعى اتا زاڭىمىزدىڭ 1995 جىلى بۇكىلحالىقتىق رەفەرەندۋمدا قابىلدانۋى ەلىمىزدىڭ تاۋەلسىزدىك تاريحىنداعى جاڭا ءداۋىردىڭ باستالۋىنىڭ اقيقاتى. «قازاقستان كونستيتۋتسياسى – زاڭ قارپىندە ورنەكتەلگەن جالپىۇلتتىق يدەيا. ول ءبىزدىڭ اتا-بابالارىمىزدىڭ كوپتەگەن ۇرپاقتارىنىڭ ازاتتىق جانە ءوز تاعدىرىن ءوزى شەشۋ مۇمكىندىگى تۋرالى, بيلىك بارشا حالىقتىڭ مۇددەسىنە قىزمەت ەتەتىن مەملەكەت تۋرالى, بۇكىل الەمگە بەلگىلى ءارى قۇرمەتتەلەتىن تاۋەلسىز ەل تۋرالى ارماندارىنىڭ وسى زامانعى قۇقىقتىق تۇسىنىكتەرىن بەينەلەيدى», دەپ اتاپ وتكەن ەلباسىمىز حالىق تاڭداۋىنىڭ دۇرىستىعىن بۇگىنگى كۇنى بۇكىل الەمگە پاش ەتىپ, ەلىمىزدىڭ ەكونوميكاسىن ورلەتىپ, ونىڭ حالىقارالىق بەدەلىنىڭ ارتا ءتۇسۋىن ساليقالى ساياساتى جانە قاجىرلى ەڭبەگىمەن دالەلدەۋدە.
اتا زاڭ نەگىزىندە ەل اۋماعىنىڭ تۇتاستىعى, قاۋىپسىزدىگى قامتاماسىز ەتىلسە, ەلىمىزدىڭ پرەزيدەنتى – حالىق پەن مەملەكەتتىك بيلىك بىرلىگىنىڭ, كونستيتۋتسيانىڭ مىزعىماستىعىنىڭ, ادام جانە ازامات قۇقىقتارى مەن بوستاندىقتارىنىڭ كەپىلى. رەسپۋبليكانى دامىتۋ, وركەندەتۋ ماقساتىندا كونستيتۋتسيادا بەكىتىلگەن نورمالاردىڭ اتقاراتىن ءرولى ەرەكشە. ول ەلىمىزدىڭ بارلىق ازاماتتارىنىڭ بىرىگىپ قىزمەت ەتۋلەرى ءۇشىن قاجەتتى جاعدايلاردى جاساپ قانا قويماي, سونىمەن قاتار, ازاماتتارىمىزدىڭ شىنايى ەركىندىگىن جۇزەگە اسىرادى. مىنە, سوندىقتان دا ادامنىڭ قۇقىقتارىن جوعارى قويۋ مەملەكەت قىزمەتىنىڭ نەگىزگى باعىتى بولىپ تابىلادى.
اتا زاڭنىڭ قابىلدانعانىنا بيىل 20 جىل تولدى. وسى وتكەن قىسقا مەرزىم ىشىندە ەلىمىز ءوز تاۋەلسىزدىگىن ورنىقتىرىپ قانا قويماي, ونى ودان ءارى نىعايتىپ, الەم تانىعان ىرگەلى مەملەكەتكە اينالا ءبىلدى. قازاقستاننىڭ جۇزەگە اسىرعان ەكونوميكالىق, الەۋمەتتىك, ساياسي قايتا قۇرۋلارى مەن قول جەتكەن جەتىستىكتەرى تۇگەلدەي كونستيتۋتسيامىزبەن تىعىز بايلانىستى ەكەنى كۇمانسىز. ەلىمىزدىڭ اتا زاڭى جۇزدەگەن جىلدار بويى قالىپتاسقان ادامزات بالاسىنىڭ جالپى قۇندىلىقتارىن ءوز بويىنا سىڭىرە وتىرىپ, ادامداردىڭ تابيعي قۇقىقتارى مەن بوستاندىقتارىن, بيلىك ينستيتۋتتارىن دەموكراتيالىق جولمەن قالىپتاستىرۋ جانە دامىتۋدى جۇزەگە اسىرىپ, قازاقستان اۋماعىندا ازاماتتىق قوعام قۇرۋ تۋرالى دۇنيەجۇزى تانىعان پروگرەسسيۆتى يدەيالاردى بەكىتتى. ول ەلىمىزدە سان الۋان يدەولوگيالىق, ۇلتتىق, ازاماتتىق ۇجىمدار مەن توپتاردىڭ بىرلەسىپ بەيبىت ءومىر ءسۇرۋىن قامتاماسىز ەتۋگە باعىتتالعان. كونستيتۋتسيامىزدا بەكىتىلگەن نورمالار ەلىمىزدىڭ بارلىق ازاماتتارىنىڭ بىرلەسىپ, ءبىر جەڭنەن قول, ءبىر جاعادان باس شىعارىپ قىزمەت ەتۋلەرى ءۇشىن بارلىق جاعدايلاردى جاساعان. ادام قۇقىقتارى مەن بوستاندىقتارىنا ارنالعان نورمالارى باسقا سالالىق زاڭنامالاردىڭ مازمۇنىنا ءوزىنىڭ وڭ اسەرىن تيگىزۋدە. قازىرگى كونستيتۋتسيامىزدا ازاماتقا قۇرمەتپەن قاراۋ, ونىڭ جەكە قۇقىقتارىن تاپتاماۋ, زاڭ الدىنداعى تەڭدىك, جالپى تەڭدىك قاعيدالارى ناقتى بەلگىلەنگەن.
اتا زاڭ – قازاقستاننىڭ تولقۇجاتى. ول قازاق حالقىنىڭ تاعدىرىنا جاۋاپ بەرەتىن, ۇلى قۇجات ءارى ءتارتىپتىڭ, يماندىلىقتىڭ, مادەنيەتتىڭ باستاۋ كوزى. ونىڭ ءاربىر تاراۋىن بويعا دارىتىپ, جۇرەكپەن قابىلداعان ءجون. سەبەبى, وندا ۇلتتىق نامىسىمىز بەن ازاماتتىق ارىمىزدىڭ عۇمىرلىق بولمىسى سيپاتتالعان, ال ءاربىر باپ ءتۇبى تەرەڭ قۇندىلىقتاردى جاڭعىرتۋ مەن ساقتاۋعا نەگىزدەلگەن. ءاربىر قازاقستاندىق, ءوزىنىڭ قونىس تەۋىپ تۇرىپ جاتقان ەلىنىڭ ناعىز پاتريوتى رەتىندە وتانى – قازاقستاننىڭ ءوسىپ-وركەندەۋىنە جانە ونىڭ بارىنشا دامۋىنا سۇبەلى ۇلەستەرىن قوسقانى ءارى ونى ءوزىنىڭ قاسيەتتى بورىشى دەپ سەزىنۋى ابزال. كونستيتۋتسيا ءبىزدىڭ ەلدىڭ تاريحىندا بەيبىتشىلىكتىڭ, جاسامپازدىقتىڭ جانە وركەندەۋدىڭ كونستيتۋتسياسى بولىپ قالا بەرەتىنى ھاق. سوندىقتان, ارقايسىمىز كونستيتۋتسيامىزدى قۇرمەتتەپ, ونىڭ جوعارى قۇقىقتىق مارتەبەسىن سىيلاۋىمىز قاجەت.
سەيىتقۇل قاليبەكوۆ,
«حقكو» رمك الماتى وبلىسى فيليالىنىڭ اقسۋ اۋداندىق ءبولىمىنىڭ ينسپەكتورى, زاڭگەر.