ءماجىلىس توراعاسى قابيبوللا جاقىپوۆتىڭ توراعالىعىمەن ءماجىلىس بيۋروسى ءوتىپ, وندا الداعى جالپى وتىرىستىڭ كۇن ءتارتىبى ناقتىلاندى, دەپ حابارلادى وسى پالاتانىڭ ءباسپاسوز قىزمەتى.
دەپۋتاتتار نازارىنا «تورەلىك تۋرالى» زاڭ جوباسى ىلەسپە قۇجاتپەن ءبىرىنشى وقىلىمدا ۇسىنىلادى. سونىمەن قاتار, دەپۋتاتتار مۇگەدەكتەردىڭ قۇقىقتارىن قورعاۋ ماسەلەلەرى بويىنشا تۇزەتۋلەرگە قاتىستى زاڭ جوباسىن ەكىنشى وقىلىمدا قارايدى.
ءماجىلىس دەپۋتاتتارى قازاقستان مەن حالىقارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدى (شاعىن جانە ورتا كاسىپورىنداردىڭ باسەكەگە قابىلەتتىلىگىن ارتتىرۋ جوباسى) راتيفيكاتسيالايدى دەپ مەجەلەنۋدە. بۇل رەتتە, بىرقاتار راتيفيكاتسيالىق قۇجاتتار جۇمىسقا قابىلدانباق. ولار: ازيا ينفراقۇرىلىمدىق ينۆەستيتسيالار بانكى كەلىسىمىنىڭ باپتارىن, سونىمەن بىرگە, كولىك قۇرالى پاسپورتىنىڭ (كولىك قۇرالىنىڭ ءشاسسيى پاسپورتىنىڭ) جانە ءوزى جۇرەتىن ماشينا مەن تەحنيكانىڭ باسقا دا تۇرلەرى پاسپورتىنىڭ بىرىڭعاي نىساندارىن ەنگىزۋ جانە ەلەكتروندىق پاسپورتتار جۇيەلەرىن ۇيىمداستىرۋ تۋرالى كەلىسىمدى راتيفيكاتسيالاۋعا قاتىستى بولماق.
جالپى وتىرىستىڭ كۇن تارتىبىنە ەكولوگيا بويىنشا تۇزەتۋلەرگە بايلانىستى جۇمىستى جالعاستىرۋ ماسەلەسى دە ەنگىزىلدى.