بەيجىڭدە استاناداعى مەملەكەتتىك قىزمەت سالاسىنداعى وڭىرلىك حاب باسقارۋشى كوميتەتىنىڭ توراعاسى ءاليحان بايمەنوۆ جانە قىتايدىڭ مەملەكەتتىك باسقارۋ اكادەمياسىنىڭ ۆيتسە-پرەزيدەنتى چەن باوشەن ەكى مەكەمە اراسىنداعى ءوزارا تۇسىنىستىك تۋرالى مەموراندۋمعا قول قويدى.
كەزدەسۋ بارىسىندا تاراپتار ىنتىماقتاستىقتى دامىتۋ جونىندە, سونداي-اق, مەملەكەتتىك قىزمەت سالاسىنداعى وزەكتى ماسەلەلەردى شەشۋ جولدارى مەن تەتىكتەرى جونىندە پىكىر الماستى.
تاراپتار مەملەكەتتىك قىزمەت رەفورمالارى ءۇشىن عىلىمي جانە اكادەميالىق قولداۋدى جۇزەگە اسىراتىن, مەملەكەتتىك قىزمەت سالاسىندا تاجىريبە مەن ءبىلىم الماسۋ بويىنشا حالىقارالىق الاڭ رەتىندە ارەكەت ەتەتىن وڭىرلىك حابقا وڭ باعا بەردى.
قىتاي مەملەكەتتىك باسقارۋ اكادەمياسىنىڭ پروفەسسور-وقىتۋشىلار قۇرامىنىڭ قاتىسۋىمەن «مەملەكەتتىك قىزمەت جۇيەسىن رەفورمالاۋ ءجونىندەگى قازاقستان مەن قىتاي ءتاجىريبەسى» تاقىرىبىندا سەمينار وتكىزىلدى.
قىتاي وڭىرلىك حابتىڭ قۇرىلتايشى ەلدەرىنىڭ ءبىرى بولىپ تابىلادى جانە ونىڭ ءىس-شارالارىنا بەلسەندى قاتىسىپ كەلەدى. 2013 جىلى قۇرىلعان ساتتەن باستاپ, وڭىرلىك حابقا قاتىسۋشى ەلدەردىڭ سانى 25-تەن 31-گە دەيىن ءوستى.
«ەگەمەن-اقپارات».