كەشە پارلامەنت سەناتىنىڭ توراعاسى قاسىم-جومارت توقاەۆ بۇكىلقىتايلىق حالىقتىق-ساياسي كونسۋلتاتيۆتىك كەڭەسى توراعاسىنىڭ ورىنباسارى ۆان چجەنۆەي باستاعان قىتاي دەلەگاتسياسىن قابىلدادى, دەپ حابارلادى سەناتتىڭ ءباسپاسوز قىزمەتى.
سەنات باسشىسى ىنتىماقتاستىقتىڭ قارقىندى دامۋىن اتاپ ءوتىپ, ەكى مەملەكەت باسشىلارىنىڭ ارقاسىندا تاتۋ كورشىلىك سيپاتىنداعى قاتىناستاردىڭ قالىپتاسقانىنا توقتالدى. «قحر توراعاسى بولىپ سي تسزينپين سايلانعان كەزدەن بەرى ءبىزدىڭ كوشباسشىلار ەكىجاقتى ساپارلار اياسىندا جانە ءتۇرلى حالىقارالىق فورۋمداردا 10 كەزدەسۋ وتكىزدى. ءبىز قىتايمەن ءوزارا ءىس-قيمىلدىڭ الەۋەتىن جوعارى باعالايمىز جانە ىنتىماقتاستىقتىڭ بارلىق سالالارىن دامىتۋعا نيەتتىمىز», – دەدى ق.توقاەۆ. ۆان چجەنۆەي سەنات توراعاسىنا قىتايدىڭ قازىرگى كەزدەگى دامۋى, زاڭ شىعارۋ قىزمەتى تۋرالى ەگجەي-تەگجەيلى اڭگىمەلەدى جانە قازاقستاننىڭ الەۋمەتتىك-ەكونوميكالىق دامۋىن جوعارى باعالادى, ۇلتارالىق كەلىسىمدى قامتاماسىز ەتۋدە قازاقستان حالقى اسسامبلەياسىنىڭ ءرولىن ەرەكشە اتاپ ءوتتى. جۇزدەسۋشىلەر قازىرگى كەزدە قازاقستان-قىتاي ىنتىماقتاستىعىنىڭ جاڭا كەزەڭى باستالعانى تۋرالى ورتاق پىكىرگە توقتالدى. ۇزاق مەرزىمدى ءوزارا ءىس-قيمىلدىڭ جالپى كەلەشەگى قازاقستان پرەزيدەنتى نۇرسۇلتان نازارباەۆ جاريا ەتكەن «نۇرلى جول» جاڭا ەكونوميكالىق ساياساتى مەن قحر توراعاسى سي ءتسزينپيننىڭ «ءبىر بەلدەۋ – ءبىر جول» تۇجىرىمداماسىندا كورىنىس تاپقان. «ەگەر دە ءبىز بۇل ستراتەگيانى ىسكە اسىرا الساق, ءبىزدىڭ ەلدەرىمىزدىڭ ەكونوميكاسىن دامىتۋدا جاڭا مۇمكىندىكتەرگە يە بولامىز», – دەدى ۆان چجەنۆەي. وسىعان بايلانىستى سەنات باسشىسى قارجى ىنتىماقتاستىعىن ىنتالاندىرۋعا ارنالعان جانە ايماقتاعى ينفراقۇرىلىمدىق باسىم جوبالاردى ىسكە اسىرۋعا جاردەمدەسەتىن ازيا ينفراقۇرىلىمدىق ينۆەستيتسيا بانكىنىڭ ۋاقىتىندا قۇرىلىپ وتىرعانىن اتاپ ءوتتى. ق.توقاەۆ قازاقستاننىڭ دامۋدىڭ جاڭا ساتىسىنا شىعۋىنا جانە الەمنىڭ ەڭ دامىعان مەملەكەتتەرىنىڭ قاتارىنا ەنۋىنە مۇمكىندىك بەرەتىن «نۇرلى جول» جاڭا ەكونوميكالىق باعىتىنا, بەس ينستيتۋتتىق رەفورماعا جانە جاڭعىرتۋ جونىندەگى 100 قادام – ۇلت جوسپارىنا جۇزدەسۋشىنىڭ نازارىن اۋداردى. * * * اۆستريا ۇلتتىق كەڭەسىنىڭ ەكىنشى پرەزيدەنتى ك.كوپف سەنات توراعاسىمەن استانا ەكونوميكالىق فورۋمىنىڭ ناتيجەلەرى تۋرالى اسەرلەرىمەن ءبولىستى. ول فورۋمنىڭ قازىرگى كەزدەگى «ينفراقۇرىلىم: ەكونوميكانىڭ ورنىقتى دامۋىنىڭ درايۆەرى» تاقىرىبىنىڭ وزەكتىلىگىن اتاپ ءوتتى جانە اەف-تىڭ الەۋەتىن جوعارى باعالادى. ك.كوپف ورتالىق ازيا ايماعىنداعى قازاقستاننىڭ جەتەكشىلىگىن اتاپ ءوتىپ, پرەزيدەنت ن.نازارباەۆتىڭ «بەس ينستيتۋتتىق رەفورمانى ىسكە اسىرۋدىڭ 100 ناقتى قادامى» باعدارلاماسىنا ىقىلاس ءبىلدىردى. «باعدارلامانىڭ ماقساتى بيىك جانە قازاقستان ونى تابىستى ىسكە اسىرا الادى», – دەدى اۆستريا ۇلتتىق كەڭەسىنىڭ ەكىنشى پرەزيدەنتى. سەنات توراعاسى مەملەكەت باسشىسىنىڭ قازاقستاننىڭ ينۆەستيتسيالىق تارتىمدىلىعىن ارتتىرۋ, اتاپ ايتقاندا, استانادا حالىقارالىق قارجى ورتالىعىن قۇرۋ تۋرالى ماڭىزدى باستامالارى, سونداي-اق, پرەزيدەنتتىڭ اشىق جانە حالىققا ەسەپ بەرەتىن مەملەكەت قۇرۋ ستراتەگياسى تۋرالى جۇزدەسۋشىگە جان-جاقتى اڭگىمەلەپ بەردى.