قاراعاندى. 5 شىلدە. قالاداعى كوشەلەردىڭ ءبىرىنىڭ قيىلىسىندا ۆيلوسيپەد ايداعان جاس جىگىتتى اۆتوكولىك قاعىپ ءوتتى. جول اپاتىنان اۋىر جاراقات العان جابىرلەنۋشى اۋرۋحانادا كوز جۇمدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
قالا تۇرعىنى كوشە قيىلىسىنان ۆيلوسيپەدپەن وتپەك بولعاندا Mazda اۆتوكولىگىن تىزگىندەگەن جۇرگىزۋشى قاققان. سالدارىنان جابىرلەنۋشىنى جەدەل جاردەم اۋرۋحاناعا جەتكىزدى. العاشقى دارىگەرلىك كومەك كورسەتىلگەنىمەن ول العان اۋىر جاراقاتىنان قايتىس بولدى.
قازىرگى ۋاقىتتا قۇقىق قورعاۋ ورگاندارى اپاتقا ساراپتاما جاساپ, وقيعانىڭ ءمان-جايىن زەرتتەۋ ۇستىندە.
قايرات ءابىلدينوۆ.
دەرەك: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
سۋرەت: trkterra.ru.