« ۇلىتاۋ» ۇلتتىق تاريحي-ءمادەني جانە تابيعي قورىقمۇراجايىنىڭ ديرەكتورى باقتيار قوجاحمەتوۆ قۋانا حابارلاعانداي, بۇدان 16 جىل بۇرىن ۇيىمداستىرىلعان «التاي-دۋناي» حالىقارالىق ارحەوەتنولوگيالىق ەكسپەديتسيا وسىمەن 5-ءشى رەت ساپارعا شىعۋعا دايىندىق ۇستىندە ەكەن بۇل كۇندە. ۇلى دالا كوشپەندىلەرىنىڭ ەجەلگى سەنىمدى ءمىنىس كولىگى – تۇيەلەرمەن ءجۇرىپ ءوتۋ ارقىلى بايكالدان بالكانعا دەيىنگى ەۋرازيالىق كەڭىستىكتىڭ بايىرعى تاريحي بايلانىستارى مەن بۇگىنگى قالىپتاسقان قارىم-قاتىناستى جولاي وڭىرلەر جۇرتشىلىعىنا تانىستىرۋعا, تانىمدىق ءۇردىستەردى كەڭەيتۋگە ارنالىپ, بەلگىلى زەرتتەۋشىلەردەن, بىلىكتى ساياحاتشىلاردان, قوعامدىق ۇيىمدار وكىلدەرىنەن قۇرالعان ءتۇيە كەرۋەنى ءوز ساپارىن التايدان باستاپ, ماجارستان جەرىنە تىرەمەك كورىنەدى. قازاق حاندىعىنىڭ 550 جىلدىعىنا وراي قازاقستان مەن ۆەنگريا ۇكىمەتتەرى قولداۋىمەن قايتا جالعاسىن تاپقان ەكسپەديتسيا ماقساتى ەرتەدەن ارالاس-قۇرالاس قونىستاس ەلدەر اراسىنداعى تاريحي ىقپالداستىققا نازار اۋدارتىپ, تامىرىن تەرەڭگە تارتۋ بولىپ تابىلادى.
ەلدەر تاريحى ورتاقتىعىن ءدارىپتەۋگە, حالىقتار اراسىنداعى ىنتىماقتاستىق ىمىراعا دانەكەر بولۋدى مۇرات ەتكەن «التاي-دۋناي» ەكسپەديتسياسى ساپارلارى الداعى ۋاقىتتاردا بۇدان دا الىس جەرلەرگە ۇلاسپاق.
ايقىن نەسىپباي, «ەگەمەن قازاقستان».
قاراعاندى.