مۇعالىم – مەكتەپتەگى ءبىلىم بەرۋ مازمۇنىن جاڭارتۋ جاعدايىندا جاڭعىرتۋ ستراتەگياسىن جۇزەگە اسىراتىن باستى تۇلعا. قازاقستاندا سوڭعى بەس جىلدا قولدانىسقا ەنگەن ينستيتۋتتىق رەفورمالار اراسىندا پەداگوگتىڭ مارتەبەسىن ارتتىرۋ جانە ونىڭ تۇراقتى كاسىبي دامۋىن قولداۋ جۇيەسىنە ەرەكشە ورىن ءبولىنىپ وتىر. 2012 جىلى 1 رەسپۋبليكالىق جانە 14 وبلىستىق, استانا مەن الماتى قالالارىنىڭ پەداگوگيكالىق قىزمەتكەرلەرىنىڭ بىلىكتىلىگىن ارتتىرۋ ينستيتۋتتارىن بىرىكتىرەتىن «ورلەۋ» بىلىكتىلىكتى ارتتىرۋ ۇلتتىق ورتالىعى» اكتسيونەرلىك قوعامىن قۇرۋ ناتيجەسىندە مۇعالىمنىڭ كاسىبي ساپالى دامۋىنىڭ ستراتەگياسى قالىپتاستى.
2015-2016 وقۋ جىلىنىڭ باسىندا «ورلەۋ» باۇو» اق-تىڭ 17 ينستيتۋتى بىلىكتىلىكتى ارتتىرۋدىڭ قىسقا مەرزىمدى جانە دەڭگەيلىك كۋرستارىنىڭ باعدارلامالارىن جۇزەگە اسىرۋدىڭ, كوپتىلدى ءبىلىم بەرۋدى ۇيىمداستىرۋعا دايىندىقتىڭ, PISA جانە TIMSS حالىقارالىق زەرتتەۋىنە قاتىسۋدىڭ ايتارلىقتاي تاجىريبەلەرىمەن كەلدى. بيىلعى جىلدىڭ قىركۇيەك ايىنان باستاپ بىلىكتىلىك ارتتىرۋدىڭ جاڭا باعدارلامالارى, ونىڭ ىشىندە: «ءوزىن-ءوزى تانۋ» رۋحاني-ادامگەرشىلىك تاربيەنىڭ ءۇش ايلىق كۋرسى, ينكليۋزيۆتى ءبىلىم بەرۋدى ۇيىمداستىرۋدىڭ ايلىق كۋرسى ۇسىنىلادى.
PISA حالىقارالىق زەرتتەۋىن وتكىزۋ اياسىندا وقۋشىلاردىڭ فۋنكتسيونالدى ساۋاتتىلىعىن دامىتۋ باعدارلاماسى بويىنشا ورتالىقتىڭ پروفەسسور-وقىتۋشىلار قۇرامى قاتارىنان 90 تالىمگەر دايىندالىپ شىقتى. مەكتەپتەگى ءبىلىم بەرۋدىڭ جاڭعىرتىلعان مازمۇنى اياسىندا مۇعالىمدەردى جۇمىسقا دايىنداۋعا «نازارباەۆ زياتكەرلىك مەكتەپتەرى» دببۇ 8 باعدارلاماسى بويىنشا 264 قىزمەتكەر وقىتىلدى. مۇعالىمدى قولداۋعا ۆەبينارلار, كونفەرەنتسيالار, سەمينارلار, ادىستەمەلىك دەسانتتار وتكىزىلدى, ينستيتۋتتاردىڭ مەرزىمدىك اقپاراتتىق, عىلىمي جانە ادىستەمەلىك گازەت-جۋرنالدارىندا وقۋ ۇدەرىسىن ۇيىمداستىرۋدىڭ وزەكتى ماسەلەلەرى بويىنشا 700-دەن اسا عىلىمي-ادىستەمەلىك ازىرلەمە شىقتى. ايماقتاردا «ورلەۋ» بىلىكتىلىكتى ارتتىرۋ ۇلتتىق ورتالىعى ۇيىمداستىرعان «پەداگوگيكالىق وقۋلار», «ۇزدىك ادىسكەر», «ۇزدىك پسيحولوگ» رەسپۋبليكالىق بايقاۋلارى قولداۋ تاپتى.
ال قاراعاندى بىلىكتىلىكتى ارتتىرۋ ينستيتۋتى «شىنايى كاسىبي قولداۋ كۋرستاردا اياقتالمايدى» دەگەن قاعيداتتى ۇستانادى. ماسەلەن مۇعالىم ينستيتۋت پەداگوگتارىمەن بىرگە كۋرستان كەيىنگى جۇمىستىڭ كارتاسىن – ۇزدىكسىز كاسىبي دامۋ مەحانيزمىن ىسكە قوسۋعا باعىتتالعان ەرەكشە تۇلعالىق ءوسۋ باعدارلاماسىن جاسايدى. ءبىز اۋىلدىق جەرلەردەگى سەرتيفيكاتتالعان مۇعالىمدەردى كۋرستان كەيىنگى قولداۋعا دا ەرەكشە كوڭىل بولەمىز. بىلىكتىلىك ارتتىرۋدىڭ دەڭگەيلىك كۋرستارىندا وقۋدان وتۋگە مۇمكىندىك الماعان مۇعالىمدەر اراسىندا «نازارباەۆ زياتكەرلىك مەكتەپتەرى» دببۇ تاجىريبەسىن تاراتۋعا مۇمكىندىك تۋعىزۋدى قولعا الدىق.
مۇعالىمدى وقىتۋ جاۋاپتى ءارى قيىن. بىلىكتىلىك ارتتىرۋ ينستيتۋتىنىڭ پروفەسسور-وقىتۋشىلار قۇرامى قاراعاندى وبلىسىندا باسەكەگە قابىلەتتى پەداگوگتار دايىنداۋعا كۇش-جىگەرىن ايامايدى. سوندىقتان دا, قازاقستاندىق ۇلگىلى مەكتەپتەر قۇرۋعا جاعداي قالىپتاستىرىپ, ماڭىزدى ىسكە ءوز ۇلەسىمىزدى قوسامىز.
ساۋلەش مۇقانوۆا,
«ورلەۋ» باۇو» اق فيليالى قاراعاندى وبلىسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى, پەداگوگيكا عىلىمدارىنىڭ دوكتورى.